Самарқандда 19 март куни 1680 ўринга мўлжалланган 81-сонли янги мактабнинг очилишига бағишланган тантанали маросим бўлиб ўтди. Бу ҳақда вилоят ҳокимлиги матбуот хизмати хабар берди.
Тўрт қаватли мактаб биноси қурилиши 2019 йилда бошланган «Қорасув» турар жой мавзесида жойлашган. Мактабда 60 та синф хонаси, иккита спорт зали, кутубхона, шунингдек, футбол ва волейбол учун майдонча ҳамда теннис корти мавжуд.
Ҳозирда янги мактабда 1—4-синф ўқувчилари ўқишни бошлаган. Таълим муассасаси янги ўқув йилидан бошлаб тўлиқ ишга тушади.
Аввалроқ Фарғонада аҳоли ва тадбиркорлар ҳомийлигида қурилган янги мактаб фойдаланишга топширилгани тўғрисида хабар берилганди.
Мавзуга доир:
- «Мактаб ‘аварийнийънинг ‘аварийний’ ҳолатида». Депутат Томди туманидаги қулаб тушмаслик учун темир билан «чирмаб» қўйилган мактаб ҳақида
- «Пахса деворли ҳужрада 96 нафар ўқувчи ўқийди». Чироқчиликлар мактаб филиаллари талабга жавоб бермаслигидан шикоят қилмоқда
- Қашқадарёда 1972 йилда қурилган шийпон мактабда ўқиётган ўқувчилар илон ёки чаён чақишидан чўчимоқда
Изоҳ (0)