Ишониш қийин, аммо факт: ўзини гўзал деб ҳисобламайдиган машҳур аёллар (фото)

Бетакрор кўриниши билан қанчадан қанча инсонлар кўнглини забт этган юлдузларнинг айримлари умуман бошқача фикрда. Улар бир қанча камчиликлари туфайли ўзини гўзал деб билмайди.

Анжелина Жоли

Айнан Анжелина Жоли ўз даврининг ҳам маҳоратли, ҳам гўзал актрисаси сифатида тан олинган. Тақлид қилувчилар орасида лабини худди актрисаникидек бўлишини истаб, косметологга мурожаат қиладиганлар ҳам талайгина. Аммо ажабланарли томони шундаки, Жоли ҳеч қачон ўзини гўзал деб билмайди. У ҳаттоки инъом этилган лабларининг ўта катталигини ҳам ёқтирмайди. Шунингдек, юлдузнинг атрофида бу ҳақда тез-тез эслатиб турадиганлар эса анча кўп.

Жулия Робертс

Голливуднинг энг таниқли актрисаси ҳам ўзини гўзал деб ҳисобламайдиганлар сафидан жой олган. Жулия ёшлигида ҳам катта оғиз ва узун бўйидан уялган. Аммо унинг мафтункор табассуми ҳамда чиройли қомати кўплаб мухлисларни хурсанд қилади. У ҳозирда ўзининг кўринишини камроқ танқид қилмоқда, аммо ҳали ҳам ўз фикридан қайтмаган.

Женнифер Лоуренс

Женнифер модага эргашмайди ҳамда парҳез қоидаларига амал қилмайди, қабилидаги сўзлардан сўнг у ўзини борича қабул қилишга кўникди. Аммо маълум бўлишича, Женнифер қоматини ёқтирмайди ва ўзини семиз  деб билади. Голливуд юлдузлар ўзи шундай, доимо нозик бўлишни ёқтиради.

Шакира

Чиройли қиёфа эгаси Шакира ҳам ўзини танқид қилувчи юлдузлардан биридир. Хонанданинг сўзларига кўра, мухлислари уни ўзига ишонган қиз деб билади. Аммо Шакира экранда гўзаллик эгаси каби кўринса-да, ҳаётда унинг бўйи кичкинагина.

Скарлетт Йоханссон 

Скарлетт ҳам ўзини тўладан келган деб ҳисоблайди. Айниқса, оёқлари қоматига нисбатан анча семиз. «Голливудда ҳамма нозик, мен эса оёқларим туфайли ҳамиша ўзимни семиз ҳис қиламан», – дея шикоят қилади актриса.

Рианна

Рианна ўзини семиз деб ҳисоблайдиган юлдузлар қаторида. Унга кўплаб мухлислари вазн камайтириш бўйича бир қанча таклифлар ҳам берган, аммо хонанда буни қачонки ўзи хоҳласа, шундагина амалга ошириши мумкин. Бундан ташқари, юлдуз юзидаги майда ҳуснбузарлар борлигини ҳам тан олган ва бу ҳам уни хафа қилади.

Пенелопа Крус 

Пенелопа ёшлигида балет билан шуғуллангани туфайли ўта нозиклигидан шикоят қилади, бироз тўлишишни истайди. Шунинг учун ҳам у ўзини етарлича чиройли деб билмайди. «Ҳа, кўринишим яхши бўлиши мумкин, лекин чиройли эмасман», – дейди Крус.