Ҳинд киноси юлдузи Амир Хоннинг коронавирусга топширган тест таҳлили ижобий чиқди. Бу ҳақда Bombay Times’нинг Instagram саҳифасида маълум қилинган.
Таъкидланишича, COVID-19 аниқланган Амир Хон айни вақтда уйида карантинда. Мавжуд қоидаларга амал қилаётган актёрнинг аҳволи анча яхши.
У билан сўнгги вақтда контактда бўлганлар эҳтиёт чораси мақсадида тест топшириши керак, дейилади хабарда.
Аввалроқ ҳинд киносаноати вакиллари бўлган Баччанлар оиласида — актриса Айшвария Рай, унинг қизи Арадя, турмуш ўртоғи Абҳишек Баччан ва қайнотаси Амитабҳ Баччанда коронавирус аниқлангани ҳақида хабар берилганди.
Изоҳ (0)