Президент Шавкат Мирзиёев 24 март куни «Обод қишлоқ» ва «Обод маҳалла» дастурларини амалга ошириш чора-тадбирларига бағишланган видеоселектор йиғилиши ўтказиши кутилмоқда. Бу ҳақда «Дарё» манбаси маълум қилди.
Маълумотларга кўра, Президент «Обод қишлоқ» ва «Обод маҳалла» дастурларини молиялаштириш ҳажмини ошириш ниятида. Бунда гап миллиардлаб доллар маблағ ҳақида бормоқда — аниқ рақамлар эса видеоселектор йиғилишида маълум бўлади.
Қайд этишларича, қарийб 3 минг километр ички йўлларни таъмирлаш, 4 минг километр ичимлик суви тармоқларини қуриш, 60 фоиз маҳаллаларда электр энергияси таъминотини яхшилаш мақсадида 15 минг километр электр узатиш тармоқлари ва 4 мингдан ортиқ трансформаторлар янгилиш учун пул ажратилиши мақсад қилинган.
«Кейинги бир неча йилда бундай ҳажмдаги ишлар Ўзбекистонда ҳали амалга оширилмаган», — дейди манба.
Изоҳ (0)