Prezident Shavkat Mirziyoyev 24-mart kuni “Obod qishloq” va “Obod mahalla” dasturlarini amalga oshirish chora-tadbirlariga bag‘ishlangan videoselektor yig‘ilishi o‘tkazishi kutilmoqda. Bu haqda “Daryo” manbasi ma’lum qildi.
Ma’lumotlarga ko‘ra, Prezident “Obod qishloq” va “Obod mahalla” dasturlarini moliyalashtirish hajmini oshirish niyatida. Bunda gap milliardlab dollar mablag‘ haqida bormoqda — aniq raqamlar esa videoselektor yig‘ilishida ma’lum bo‘ladi.
Qayd etishlaricha, qariyb 3 ming kilometr ichki yo‘llarni ta’mirlash, 4 ming kilometr ichimlik suvi tarmoqlarini qurish, 60 foiz mahallalarda elektr energiyasi ta’minotini yaxshilash maqsadida 15 ming kilometr elektr uzatish tarmoqlari va 4 mingdan ortiq transformatorlar yangilish uchun pul ajratilishi maqsad qilingan.
“Keyingi bir necha yilda bunday hajmdagi ishlar O‘zbekistonda hali amalga oshirilmagan”, — deydi manba.
Izoh (0)