Наманганда мамлакатда илк бор жорий этилган «Маҳалла тизими ходимлари куни» кенг кўламда нишонланди. Бу ҳақда «Дарё» мухбири Азизбек Абдувалиев хабар бермоқда.
Вилоятнинг Мингбулоқ туманидаги «Шердор» мажмуасида сана муносабати билан байрам дастурхони ёзилди.
Тумандаги 40 та маҳалланинг ҳар бирига замонавий компьютер ва принтерлар топширилди.
Янгиқўрғон туманида бирйўла учта — «Баркамол», «Сойбўйи» ва «Ғайрат» маҳалла фуқаролар йиғинларининг янги бинолари фойдаланишга топширилди.
Давлат-хусусий шериклик асосида барпо этилган ушбу идораларнинг атрофида савдо расталари, маиший хизмат шохобчалари ҳам жойлашди.
Наманган туманидаги «Эшобод» маҳалласи ҳам янги бинога эга бўлди.
Очилиш маросимида маҳалладаги эҳтиёжманд оилалар вакилларига озиқ-овқат маҳсулотлари ва уй-рўзғор буюмлари тарқатилди.
Шунингдек, Поп туманидаги «Янги Хўжаобод» ва Абдулла Қаҳҳор номли маҳалла фуқаролар йиғинларининг буткул қайта қурилган бинолари ҳам фойдаланишга топширилди.
Изоҳ (0)