Bugun,

  • USD 11095.31
  • RUB 173.84
  • EUR 10772.44

Toshkentda yil boshidan beri yuzdan ortiq o‘quvchilarda koronavirus infeksiyasi aniqlangan. Bu haqda Toshkent shahar Sanitariya-epidemiologiya xizmati (SEX) boshlig‘i Malika Qudratxo‘jayev tomonidan 13-mart kuni shahar Sog‘liqni saqlash bosh boshqarmasi boshlig‘i Anvar Alimovga chiqarilgan xatda ma’lum qilingan. “Daryo”ning rasmiy doiralardagi manbasi xatning haqiqiy ekanini tasdiqladi.

 

Xatning bir qismida “joriy yilning o‘tgan davri mobaynida” Toshkent shahrida 181 nafar maktab o‘quvchisida koronavirus infeksiyasi aniqlangani haqida so‘z boradi. Xatning boshqa bir qismida esa “shahar bo‘yicha 77 ta umumta’lim maktablarining 150 nafar o‘quvchisida” kasallik qayd etilgani haqida so‘z boradi. Shuningdek, xatda bir qator maktablar kesimida kasallangan o‘quvchi va o‘qituvchilar soni ochiqlangan bo‘lib, unda jami 90 nafar o‘quvchining maktablari ko‘rsatib o‘tilgan. Jumladan, Yunusobod tumanidagi

  • 86-maktabining 16 nafar o‘quvchisi va 6 nafar o‘qituvchisida,
  • 235-maktabning 14 nafar o‘quvchisi va 3 nafar o‘qituvchisida,
  • 220-maktabning 5 nafar o‘quvchisida,
  • 43-maktabning 4 nafar o‘quvchisida,
  • 302, 97, 51, 258-maktablarning 3 nafardan o‘quvchilarida;
Mirzo Ulug‘bek tumanidagi
  • 112-maktabning 6 nafar o‘quvchisida,
  • 222, 308-maktablarning 2 nafardan o‘quvchilarida;
Chilonzor tumanidagi
  • 103-maktabning 4 nafar o‘quvchisida,
  • 280, 114-maktablarning 2 nafardan o‘quvchilarida;
Sergeli tumanidagi
  • 300-maktabning 4 nafar o‘quvchisida,
  • 47, 268-maktablarning 2 nafardan o‘quvchilarida;
Yashnobod tumanidagi
  • 282-maktabning 4 nafar o‘quvchisida,
  • 307-maktabning 2 nafar o‘quvchisida;
Uchtepa tumanidagi
  • 296-maktabning 2 nafar o‘quvchisida,
  • 236, 44-maktablarning 3 nafardan o‘quvchilarida;
Shayxontohur tumanidagi
  • 316-maktabning 3 nafar o‘quvchisida;
Yakkasaroy tumanidagi
  • 144-maktabning 2 nafar o‘quvchisida,
Olmazor tumanidagi
  • 28-maktabining 2 nafar o‘quvchisida
koronavirus infeksiyasi aniqlangan.

“Olib borilayotgan epidemiologik surishtiruvlarga ko‘ra, koronavirus infeksiyasi bilan kasallanayotgan bolalar kasallikni asosan oilasida, oila a’zolari bilan muloqot natijasida yuqtirmoqda”, — deyiladi SEX xatida.

Xatda qo‘shimcha qilinishicha, yil boshidan beri poytaxtda kamida 24 ta maktabning 31 nafar o‘qituvchisida, 13 ta maktabgacha ta’lim tashkilotining 15 nafar tarbiyalanuvchisi va 8 ta maktabgacha ta’lim tashkilotining 8 nafar tarbiyachisida, 6 ta litseyning 7 nafar o‘quvchisi va 4 ta litseyning 4 nafar o‘qituvchisida koronavirus infeksiyasi aniqlangan.

Izoh
Asosiy yangiliklar
Mahalliy
Janubiy Koreya mamlakatda ishlash niyatidagi o‘zbekistonliklar uchun kvotalar sonini oshiradi
Dunyo
“Hind Chernobili” — Pxobaldagi texnogen halokat, Eron oliy rahbariga aylangan Homanaiy va Sovuq urushga yakun yasagan Yelsin—Bush. Kun xronologiyasida 3-dekabr
Sport
Braziliya Janubiy Koreyaga qarshi, Portugaliya esa Shveysariya bilan bahs olib boradi. JCH—2022 nimchorak finalning barcha juftliklari ma’lum bo‘ldi