Ўзбекистон ҳудудига 23 март куни деярли салқин ҳаво массалари кириб келиши кутилмоқда. «Ўзгидромет»нинг маълум қилишича, бунинг натижасида Тошкент, Самарқанд, Жиззах, Сирдарё вилоятларида баъзи жойларда ёмғир ёғади, момақалдироқ бўлиши мумкин. Қолган ҳудудларда ёғингарчилик кутилмайди. Ҳаво ҳарорати 15-20 даража илиқдан юқори бўлмайди.
24—25 март кунлари салқин ҳаво массалари мамлакат ҳудудларидан чиқиб кетади, унинг ўрнига жанубий ҳудудлардан илиқ ҳаво кириб келиши бошланади. Бу кунларда ёғингарчилик эҳтимоли кам бўлади, ҳаво ҳарорати кечалари 8-13 даража илиқ, кундуз кунлари 20-25 даража илиқ атрофида бўлиши кутилмоқда.
26—27 март кунлари республикага Кавказ ҳудудларидан булутли массивлар кириб келади, бунинг ҳисобига баъзи жойларда ёмғир ёғади, момақалдироқ бўлиши мумкин. Ҳаво ҳарорати кечалари 8-13 даража илиқ, кундуз кунлари 17-22 даража илиқ атрофида бўлиши кутилмоқда.
Баъзи жойларда айрим кунларда шамол тезлиги 15-20 метр/секундгача кучайиши мумкин.
Ўзбекистоннинг тоғли ҳудудларида қор кўчиши хавфи сақланиб туради.
Изоҳ (0)