Тошкентда Наврўз байрами кунларида жамоат транспортларининг ишлаш тартиби маълум қилинди

«Тошшаҳартрансхизмат» АЖ Тошкент шаҳрида Наврўз байрами кунларида жамоат транспортларининг ҳаракатланиш тартибини маълум қилди.

Маълум қилинишича, «Тошшаҳартрансхизмат» АЖнинг 19 мартдаги 43-сонли «Наврўз байрами тантаналарини нишонлаш кунларида автобус йўналишлари фаолиятини ташкил этиш тўғрисида»ги буйруғига асосан, Наврўз байрами нишонланиши муносабати билан 20, 21, 22 март кунлари жамоат транспортини қуйидагича ташкил этиш белгиланган:

• 20 март — дам олиш куни. Шанба кунлари учун тасдиқланган жадвал асосида;
• 21 март — дам олиш куни. Якшанба кунлари учун тасдиқланган жадваллар асосида. Иш вақтининг тугаши 1 (бир) соатга узайтирилади.
• 22 март — дам олиш куни. Якшанба кунлари учун тасдиқланган жадваллар бўйича ҳаракатланиш кўзда тутилган.
• 27 март — иш куни. Иш кунлари учун тасдиқланган жадваллар асосида ҳаракатни давом эттириш белгилаб қўйилди.