Ўзбекистоннинг олтин-валюта захираси 1 март ҳолатига кўра 33,2 миллиард долларни ташкил этди, деб хабар бермоқда Spot Марказий банк маълумотларига таяниб. Бир ой ичида улар 1,1 миллиард долларга қисқарган.
Мамлакат захиралари олдингидек жуда заиф диверсификация қилинган — деярли барчаси олтин ва хориж валютаси кўринишида. Ушбу муаммони АҚШ ғазначилик облигацияларини сотиб олиш орқали ҳал қилиш режалаштирилган, бироқ бир неча ойдан буён бу ҳақда ҳеч қандай маълумот йўқ.
Сўнгги бир ой ичида олтин захиралари 0,2 миллион трой унциясига (6,2 тонна) ортган, бироқ нархи 500 минг долларга пастлаган, чунки металл арзонлашни давом этмоқда.
Хориж валютаси ҳам 500 минг долларга камайган. Бунга Марказий банкнинг валюта интервенсияси сабаб бўлган бўлиши мумкин, аммо регуляторнинг таъкидлашича, улар резервнинг аралашувисиз амалга оширилади.
Олтин-валюта захиралари мамлакат учун «ҳимоя ёстиқчаси» ҳисобланади. Ўзбекистоннинг амалдаги захиралари 20 ойлик импортни молиялаштириш учун етарли ҳисобланади.
Халқаро ташкилотлар ривожланаётган давлатларга 3 ойлик импортни молиялаштириш учун етарли захираларни сақлашни тавсия қилган.
Эслатиб ўтамиз, 2021 йил 1 январь ҳолатига кўра, Ўзбекистоннинг олтин-валюта захиралари бирданига ошган эди. Февралдан бошлаб эса олтин-валюта захиралари яна қисқара бошлаган, аммо унда олтин улуши ошган эди.
Изоҳ (0)