Apple’дан янги «гаджет»: компания виртуал реалликда ёрдам берадиган пайпоқ тайёрламоқда

Apple компанияси виртуал реаллик гарнитурасини бошқаришга ёрдам берадиган янги қурилмани патентлади, деб хабар беради Hi-Tech.Mail.ru.

Патент изоҳида қайд этилишича, кийим элементига оёқлар ҳаракатини ҳисобга оладиган ва уни виртуал реалликда тасвирланган қўшимча «вставка»лар ўрнатилади. Бундан ташқари, технология фойдаланувчига рақамли макондаги объектларга тегинишдаги ҳиссиётни тақдим этиш имконини беради. Бунинг учун, масалан, вибрациядан фойдаланиш мумкин.

Бу турдаги «гаджет»лардан нафақат VR-гарнитурани бошқаришда фойдаланиш мумкин, балки пайпоқлар фойдаланувчининг компьютер, смартфон ёки «ақлли» кўзойнаклар билан алоқасини яхшилашга ҳам қодир.

Ҳозирча пайпоқлар фақат қоғозда бор. У ҳақиқатан ҳам тақдим этилиши ҳозирча номаълум — барчаси компаниянинг келажакдаги ҳаракатларига боғлиқ.

Аввалроқ Apple виртуал реаллик гарнитурасини бошқаришга хизмат қиладиган бармоқларга тақилувчи ўзининг янги қурилмасини намойиш этганди.