Ўзбекистонда карантин талабларига риоя қилиниши устидан назорат кучайгани ҳисобига санитария-эпидемиология қоидаларини бузганларни жавобгарликка тортиш ҳолатлари кўпайди. Бу ҳақда ИИВ матбуот котиби Шохруҳ Ғиёсовга таяниб, «Gazeta.uz» хабар берди.
Унинг сўзларига кўра, коронавирус билан касалланиш даражаси ортгани сабаб 16 мартдан ҳуқуқ-тартибот органлари аҳоли ўртасида карантин қоидаларига риоя қилиш ва ниқобларни тақиш зарурати бўйича тарғибот ишларини кучайтирган.
Сўнгги уч сутка ичида Ўзбекистонда карантин қоидаларини бузган 947 киши жавобгарликка тортилган (14 март куни 245, 15 март куни 302, 16 март куни 400 киши). Уларнинг 113 нафари Тошкент шаҳрида (14 март куни 40, 15 март куни 13, 16 март куни 60 киши). Тошкент вилоятида — 66 (14 март куни 29, 15 март куни 13, 16 март куни 23 киши), Самарқанд вилояти — 113 (14 март куни 0, 15 март куни 48, 16 март куни 65 киши), Бухоро вилояти — 16 (14 март куни 5, 15 март куни 4, 16 март куни 7 киши), Фарғона вилояти — 444 (14 март куни 147, 15 март куни 141, 16 март куни 156 киши), Наманган вилояти — 167 (14 март куни 0, 15 март куни 82, 16 март куни 85 киши). Хоразм вилоятида уч кун ичида бир кишигина жаримага тортилган, Навоий вилоятида эса 3 киши, қолган вилоятларда қоидабузарлар аниқланмаган.
Идора матбуот котибининг маълум қилишича, карантин талабларини қўпол бузганлар, масалан, уй карантинига риоя қилмаган, шунингдек, гўзаллик салонлари, бозорлар ва савдо объектлари каби хизмат кўрсатиш соҳасидагилар маъмурий жавобгарликка тортилмоқда.
Натижада, 14 март куни 245 киши жавобгарликка тортилган бўлса, 15 март куни — 302 киши, 16 март куни — яна 400 киши. Вилоятлар кесимида энг кўп қоидабузарлар Фарғона вилоятида қайд этилган (147, 141 ва 156 киши). Афтидан, бу каби кўраткич вилоятда 17 октябрдан бошлаб ниқоб режимини бузганларни видеокузатув камералари орқали аниқлангани сабаб бўлган.
Тошкентда ўтган уч кунга мос равишда 40, 13 ва 60 киши жавобгарликка тортилган. Эътиборли жиҳати, 14 март куни мамлакатнинг 10 та вилоятида бирор киши карантин талабларини бузгани учун жавобгарликка тортилмаган.
Пандемия бошланганидан буён 899,3 минг кишига нисбатан жарима белгиланган (энг кўп: Тошкент шаҳри — 117,6 минг, Тошкент вилояти — 177,6 минг, Фарғона вилояти — 137,6 минг ва Самарқанд вилояти — 101,8 минг), шунингдек, 43 киши жиноий жавобгарликка тортилган.
Эслатиб ўтамиз, Маъмурий жавобгарик тўғрисидаги кодекснинг 54-моддасида эпидемияларга қарши кураш қоидаларини бузганлик учун жавобгарлик чоралари белгиланган. Ушбу моддага кўра, карантинли ва инсон учун хавфли бўлган бошқа юқумли касалликлар пайдо бўлиши ҳамда тарқалиши шароитида ваколатли органнинг махсус талабларига зид равишда жамоат жойларида ниқобсиз бўлиш — базавий ҳисоблаш миқдорининг 5 бараваригача (1 миллион 225 минг сўм) миқдорда жарима солишга сабаб бўлади.
Мавзуга доир:
Изоҳ (0)