Танамиздаги деярли барча тизимларнинг ҳолати қалқонсимон безнинг нормал ишлашига боғлиқ. Кўп миқдорда истеъмол қилинган шакар, углевод, алкоголь, трансёғлар билан тўйинган тартибсиз рацион қалқонсимон без фаолиятининг бузишига, гипо/гипертиреоз ва бошқа касалликларнинг ривожланишига олиб келиши мумкин. Қалқонсимон без фаолиятига ёрдам берувчи маҳсулотлар билан танишинг.
Селенга бой маҳсулотлар
Селен — қалқонсимон без гормонларининг конверсиясига ёрдам берадиган ва шу билан метаболизмни таъминлайдиган кимёвий моддадир. Рационда селен қанча кўп бўлса, қалқонсимон без шунча фаол ишлайди, натижада метаболизм яхшиланади. Бразилия ёнғоғи, палтус балиғи, сардиния, курка, товуқ тухуми ва исмалоқ каби маҳсулотлар селенга бой ҳисобланади.
Мавзуга доир: Организм учун селен моддаси қай даражада муҳим?
Маълумки, ёд танқислиги аниқланган ҳудудларда қалқонсимон без касалликлари кенг тарқалган бўлади, чунки ёдсиз бу орган оддий гормонларни ишлаб чиқара олмайди. Аммо бу модданинг яна бир хавфли томони ҳам бор: организмда мазкур элементнинг кўплиги ёд етишмаслиги сингари хавфли. Қалқонсимон без касалликлари ташхиси қўйилган одамлар, айниқса, ёд миқдори юқори бўлган маҳсулотлар истеъмолида эҳтиёт бўлишлари лозим.
Ёнғоқ, денгиз маҳсулотлари, денгиз ўтлари ва балиқ маҳсулотлари ёд манбаи ҳисобланади. Танадаги ёд мувозанатини сақлашнинг энг осон усули — оддий туз ўрнига ёдланган туздан фойдаланишдир.
Д витамини
Қалқонсимон без касалликлари билан оғриган кишиларда ушбу витамин миқдори паст бўлади. Ва бу ажабланарли эмас, чунки Д витамини қалқонсимон безнинг ҳолати ва нормал ишлашига жавобгардир. «Қуёш витамини» етишмаслигининг олдини олиш учун товуқ тухуми, сут маҳсулотларини тез-тез истеъмол қилиш керак.
Мавзуга доир: Британиялик шифокорлар Д витамини етишмовчилигининг хавфли белгиси ҳақида маълумот берди
Цинк, айниқса, қалқонсимон без заифлашган ва ишлаб чиқарадиган гормонлари даражаси меъёрдан паст бўлган гипотиреоз касалига чалинганларга жуда керак. Бундай беморларга кўпроқ мол гўшти, дуккакли экинлар, қўзиқорин, саримсоқ, турли хилдаги ёрмалар ва ошқовоқ уруғини истеъмол қилиш тавсия этилади.
Изоҳ (0)