Бирозгина кўтарилган қон босими ҳам соғлиқ учун жиддий муаммолар келтириб чиқариши мумкин. Шифокорларнинг огоҳлантиришича, босим кўрсаткичи 130/80 ёки ундан юқори бўлса, шунингдек, ҳафта давомида ўзгаришсиз қолса, албатта, шифокор билан маслаҳатлашиш зарур. Сабаби унчалик ҳам баланд бўлмаган қон босими соғлиқда ўзига яраша муаммоларни келтириб чиқариши мумкин.

Деменция касаллиги хавфи

Europen Heart Journal’да чоп этилган тадқиқиотда маълум қилинганидек, систолик қон босими 130 кўрсаткичда бўлган 50 дан ошган ёшларда деменция касаллигининг ривожланиш хавфи 45 фоизга ошади. Сабаби қон босими қанчалик юқори бўлса, касалликнинг ривожланиш хавфи ҳам шунча кўп бўлади.

Инсульт

Юқори қон босими юрак қон-томир тизими касалликларининг, биринчи навбатда инсультнинг асосий сабабларидан биридир. Аммо қон босим шунчаки бирозгина ошган бўлса, буни хавфсиз деб билиб бўлмайди. Юқори босим юрак қон-томир тизимига таъсир ўтказиб, охир-оқибат инсульт юз бериши ҳам мумкин.

Инфаркт

Агар қон босими 120/80 бўлса, бунда юрак хасталиги хавфи анча паст. Аммо бу рақамлар ортиб борса, ёшга ҳам қарамай бемор инфарктга дучор бўлиш эҳтимоли жуда катта. Қон босимини ҳамиша кузатиш , керак бўлса, шифокорга мурожаат қилиш ва юрак саломатлигига эҳтиёт бўлиш зарур.

Кўриш қобилияти билан боғлиқ муаммолар

Қон босими юқорилиги кўзнинг орқа қисмидаги қон томирларнинг зўриқиши билан ҳам тавсифланади. Шу орқали бир қанча жиддий касалликлар ривожланиши ҳам мумкин. Ҳаттоки кўриш қобилиятининг бутунлай йўқолиш ҳолатлари ҳам кузатилади. Гарчи кўриш қобилияти меъёрда бўлса ҳам, йилда бир маротаба офталмолог кўригидан ўтиш зарур. Сабаби шифокорлар жиддий касалликнинг жуда эрта босқичидан аниқлай олишга ёрдам беради.

Буйрак касаллиги

Буйракларнинг асосий вазифаси – бу қонни чиқиндилардан тозалашдир. Шунинг учун ҳам ушбу жараёнда қон томирлари ҳам иштирок этади. Агар томирлар шикастланган бўлса, эҳтимол, бу босим ортиши билан боғлиқдир, буйракда ортиқча зўриқиш юз беради. Бу вақт ўтиши билан буйрак етишмовчилигига олиб келиши мумкин. АҚШ миллий институтининг маълумотларига кўра, юқори қон босими буйрак етишмовчилигининг иккинчи сабаби ҳисобланади.