Шифокорлар томонидан бош оғришининг 300 дан ортиқ тури аниқланган бўлиб, ушбу симптом мигрен, инсульт, коронавирус ҳамда бошқа бир қанча жиддий касалликлардан дарак бериши мумкин. Шунингдек, бош оғриши мия чайқалишининг асорати бўлиши эҳтимоли ҳам йўқ эмас. Нима бўлган тақирда ҳам саломатликдаги ушбу ўзгаришга бефарқ бўлмаслик, дарҳол шифокор кўригидан ўтиш даркор.
Нутқдаги ўзгаришлар
Бош оғриғининг мазкур симптом билан кузатилиши мия аневризмининг белгиси бўлиши мумкин. Шифокорлар аксарият ҳолларда аневризм бош оғришига сабаб бўлишига қарамай, айнан мазкур аломат сабаб касалликка жуда ҳам кеч ташхис қўйилишини таъкидлайди. Бунга беморларнинг оғриқ қолдирадиган дори қабул қилиши ва шифокорга боришни ортга суриши сабаб бўлади. Нутқда ўзгариш кузатиладиган бўлса, зудлик билан мутахассисга мурожаат қилинг. Бу касалликда ҳар дақиқа қимматли бўлади.
Бош оғриғининг кучлилигидан ухлай олмаслик
Бош оғриғи ухлай олмаслик ёки кучлилиги сабаб уйғониб кетишга олиб кетадиган бўлса, шифокорга боришга шошилиш керак. Гап шундаки. оғриқнинг бу қадар кучли экани мия саратонига хос энг кўп тарқалган белгилардан. Касаллик қанча эрта аниқланса, шунча яхши.
Кўриш қобилиятининг ёмонлашиши
Кўриш қобилияти ёки визуал ўзгаришлар билан кузатиладиган бош оғриғига мигрен сабаб бўлиши мумкин. Ушбу симптомга ҳам бефарқ бўлмаслик, неврологга мурожаат қилиш лозим.
Симптомларнинг тўсатдан намоён бўлиши
Ҳатто энг кучли мигренда ҳам симптомлар, одатда, аста-секин ортиб боради. Инсультда эса тўсатдан пайдо бўлиши: бир дақиқа аввал ўзини яхши ҳис қилган бемор, кейинги дақиқада бош оғриғининг кучлилигидан ўзини қўярга жой топа олмаслиги мумкин. Бундай вақтда зудлик билан тез ёрдам чақириш керак.
Изоҳ (0)