Пандемия бошидан бери то 16 март, сешанба кунига қадар бутун дунёда коронавирус билан касалланиш бўйича 120 217 175 та ҳолат қайд этилди. Бу ҳақда Американинг Жонс Ҳопкинс университети маълумотларида келтирилган.
Университет маълумотларига кўра, дунё бўйлаб COVID-19 билан касалланиш оқибатидаги ўлим сони 2 660 456 тага етган, 96 миллиондан ортиқ бемор касалликдан тузалган.
COVID-19’га чалиниш бўйича 10 миллион ва ундан ортиқ ҳолат аниқланган мамлакатларга АҚШ, Бразилия ва Ҳиндистон киради.
АҚШ ҳамон касалланганлар ва вафот этганлар сони бўйича етакчилик қилмоқда. Мамлакатда 29 миллион 438 минг кишида COVID-19 аниқланган, 535 628 та ўлим қайд этилган. Беморларнинг 21 миллиондан ортиғи соғайган.
Вирус юқтирганлар сони бўйича дунёда иккинчи ўринда Бразилия, учинчи ўринда Ҳиндистон турибди. Бразилияда пандемия пайтида 11 миллион 519 минг кишида касаллик қайд қилинган, шундан 279 минг киши вафот этган, 10 миллиондан ортиғи тузалган.
Ҳиндистонда эса инфекцияни юқтириб олганлар сони жами 11 миллион 409 минг, вирус қурбонлари сони 158 минг кишини ташкил этмоқда, 11 миллиондан ортиқ бемор касалликни енгишга муваффақ бўлган.
Дунё бўйлаб муҳим воқеалари статистикасига ихтисослашган Worldometer порталининг маълумотларига кўра, Ер юзида бир миллион аҳолига тўғри келадиган ўлим коэффициенти 16 март, сешанба куни эрталаб 342,8 тани ташкил этди. Қўшма Штатларда ҳар миллионта аҳолининг 1649 нафари, Бразилияда 1309 нафари, Ҳиндистонда 114 нафари вафот этган.
Маълумот учун, дунё бўйлаб вирусга чалинганларнинг умумий сони 7 февраль куни 105 миллиондан, 13 февраль куни 108 миллиондан, 18 февраль куни 110 миллиондан ошганди.
Изоҳ (0)