Россия президенти Владимир Путин илм-фан ва таълим бўйича кенгашнинг янги таркибини тасдиқлади. Бу ҳақдаги Россия президентининг фармони ҳуқуқий ахборот берувчи мамлакат интернет-порталида эълон қилинган.
Владимир Путиннинг ўзи мазкур кенгашнинг раиси ҳисобланади. Унга ўринбосар этиб собиқ бош вазир, собиқ президент ва айни вақтда Россия хавфсизлик кенгаши раисининг ўринбосари лавозимида ишлаб келаётган Дмитрий Медведев тайинланган.
Путиннинг илм-фан ва таълим кенгашидаги аввалги муовини – Андрей Фурсенко — мазкур кенгашнинг котиби лавозимига ўтказилган.
Россия президенти ҳузуридаги Илм-фан ва таълим кенгаши маслаҳатлашув органи ҳисобланади. Унинг асосий вазифалари мамлакатда илм-фан ва техника соҳасини янада ривожлантириш бўйича асосий стратегик мақсадларни белгилаб олишдан иборат.
Аввал 2 март куни Владимир Путин Совет иттифоқининг биринчи ва ягона президенти, Ижтимоий-иқтисодий ва сиёсий тадқиқотлар халқаро жамоат фонди президенти Михаил Горбачёвни 90 ёши билан табриклагани, 11 март куни Путиннинг Туркия президенти Ражаб Тоййиб Эрдўғон видеоконференцалоқа режимида Туркиядаги «Аккую» атом электр станциясининг (АЭС) учинчи энергия блоки қурилишига старт бергани, шунингдек, Россия президентининг ҳукуматга бир ой ичида Арктикани ривожлантириш режасини тайёрлашни якунлаш ва қабул қилиш тўғрисида кўрсатма бергани хусусида хабар қилинган.
Изоҳ (0)