Тошкент вақти билан 14 март тонгида АҚШнинг Орландо шаҳрида Combat Night Pro 20 мусобақаси бўлиб ўтди.
Унда ўзбекистонлик яккакурашчи Анвар Бойназаров (2-0) профессионал MMA’даги 2-жангини ўтказди. 31 ёшли Бойназаровга америкалик жангчи Роб Фюллер (1-8) рақиб бўлди.
Бойназаров жангни зарбалар серияси билан бошлади ва рақибини муддатидан аввал чуқур нокаут ҳолатига туширди. Шу тариқа Анвар MMA’даги иккинчи жангини ҳам ғалаба билан якунлади.
Бойназаров иштирокидаги жанг видеосини бу ерда кўриш мумкин — ҳавола.
Эслатиб ўтамиз, «The Uzbek» MMA’даги дебют жангини 2020 йилнинг декабрида ўтказган ва унда Ҳенри Ли Краппни биринчи раунддаёқ нокаутга учратганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)