Хоразм вилояти Хонқа тумани суди биносининг томи 13 март куни кучли шамол оқибатида қулаб тушди, дея хабар бермоқда вилоят Фавқулодда вазиятлар бошқармаси ахборот хизмати хабар берди.
Маълум қилинишича, 13 март куни эрталаб, кучли шамол оқибатида Хонқа тумани Жиноят ишлари бўйича суди биносининг том қисми қулаб тушган. Содир бўлган воқеа натижасида ҳеч ким тан жароҳати олмаган.
Ҳозирда ҳодиса оқибатлари туман фавқулодда вазиятлар бўлими ва мутасадди ташкилотлар томонидан бартараф қилинмоқда.
Аввалроқ Хоразмга кучли шамол ва қор бўрони ёпирилгани сабаб вилоятдаги кўплаб хонадонлар электр энергиясисиз қолгани ҳамда кучли шамол сабаб Навоийдаги 3 та туман ҳудудидан ўтган йўлнинг бир қисми транспорт воситалари ҳаракати учун вақтинча ёпилгани ҳақида хабар берилганди.
Эслатиб ўтамиз, «Ўзгидромет» 13–14 март кунлари Ўзбекистонда ёмғир ва қор ёғиши, шамол тезлиги кучайиши маълум қилганди.
Изоҳ (0)