Андижон шаҳридаги кўп қаватли уй хонадонларининг бирида газ портлаши содир бўлгани ҳақида хабар берилганди. Бош прокуратура матбуот хизматининг хабар беришича, ҳодиса натижасида 3 киши жабрланган.
Маълум қилинишича, 2021 йил 12 март куни соат 17:22 ларда Андижон шаҳар, «1-сон» МФЙ, 2-кичик даҳа, Фурқат кўчаси, 24-уй, 9-хонадонда газ ва ҳаво аралашмаси чақнаши натижасида ёнғин келиб чиққан.
Оқибатда хонадонда бўлган аёл ва вояга етмаган қиз тана куйиши ҳамда қўшни хонадонда яшовчи вояга етмаган бола чақнаш тўлқинидан йиқилиб, кўкрак қисмидан тан жароҳати олган ва шифохонага ётқизилган. Жабрланганларнинг олган тан жароҳатлари оғирлик даражасини аниқлаш юзасидан суд-тиббий экспертизаси тайинланган. Мутахассислар томонидан чақнаш сабаблари, шунингдек келтирилган зарарларни аниқлаш чоралари кўрилмоқда.
Ҳолат юзасидан Андижон шаҳар прокуратураси томонидан ўтказилаётган терговга қадар текширув ҳаракатлари вилоят прокуратураси томонидан назоратга олинган.
Бундан аввал Бухоро шаҳридаги қурилиши якунланмаган кўп қаватли уйда портлаш содир бўлгани ҳақида хабар берилганди.
Изоҳ (0)