Xorazm viloyati Xonqa tumani sudi binosining tomi 13-mart kuni kuchli shamol oqibatida qulab tushdi, deya xabar bermoqda viloyat Favqulodda vaziyatlar boshqarmasi axborot xizmati xabar berdi.
Ma’lum qilinishicha, 13-mart kuni ertalab, kuchli shamol oqibatida Xonqa tumani Jinoyat ishlari bo‘yicha sudi binosining tom qismi qulab tushgan. Sodir bo‘lgan voqea natijasida hech kim tan jarohati olmagan.
Hozirda hodisa oqibatlari tuman favqulodda vaziyatlar bo‘limi va mutasaddi tashkilotlar tomonidan bartaraf qilinmoqda.
Avvalroq Xorazmga kuchli shamol va qor bo‘roni yopirilgani sabab viloyatdagi ko‘plab xonadonlar elektr energiyasisiz qolgani hamda kuchli shamol sabab Navoiydagi 3 ta tuman hududidan o‘tgan yo‘lning bir qismi transport vositalari harakati uchun vaqtincha yopilgani haqida xabar berilgandi.
Eslatib o‘tamiz, “O‘zgidromet” 13–14-mart kunlari O‘zbekistonda yomg‘ir va qor yog‘ishi, shamol tezligi kuchayishi ma’lum qilgandi.
Izoh (0)