Ирландияда амалдор аёл биринчи марта туғруқ таътилини ва лавозимини сақлаб қолиш ҳуқуқини олди

Ирландия ҳукумати 2020 йилнинг декабрда ҳомиладорлиги ҳақида хабар берган адлия вазири Хелен Макэнтига туғруқ таътили берди. Таътил бериш тўғрисида қарор қабул қилишдан олдин бир неча ой муҳокамалар ўтказилган, чунки давлат қонунчилигида сайланган сиёсатчилар учун бундай таътиллар кўзда тутилмаган. Бу ҳақда Politico нашрига таяниб, Meduza хабар берди.

ХХ асрда Ирландия Европанинг энг консерватив давлатларидан бири эди ва 1937 йилда католик черкови иштирокида ишлаб чиқилган конституция аёлнинг, авваламбор, муваффақиятли карьера соҳибаси бўлиши эмас, балки намунали турмуш ўртоқ ва она бўлиши кераклиги ҳақидаги ғояга асосланади. Давлат ташкилотларида ишлайдиган барча аёллар (шу жумладан, ўқитувчилар) турмушга чиққандан кейин истеъфога чиқиши белгиланган.

1970 йиллардан бошлаб қонунчиликдаги бундай нормаларнинг деярли барчаси ўзгартирилган, лекин сайланган сиёсатчилар учун туғруқ таътилига чиқиш тақиқлари сақланиб қолган (асл мантиқ шундаки, сиёсатчи ҳар доим ўз сайловчилари ёнида бўлиши керак). XXI асрда мамлакат ҳокимияти қонунчиликка зарурий ўзгартиришларни референдум орқали киритишни режалаштирган, лекин иш охирига етказилмаган.

Хелен Макэнти вазир лавозимида фарзанд кутаётган биринчи амалдор аёлга айланди. У фарзанд кутаётганини эълон қилганидан кейин, ҳукумат унинг расмий равишда истеъфога чиқишини талаб қилмасдан, оналик таътилини бериш усулини излай бошлади. Мамлакат қонунчилигида бунинг учун тўсиқлар кўп, хусусан, қонунчиликда адлия вазирининг баъзи функцияларини унинг ўзи бажариши мумкинлиги, унинг ўринбосарларидан бири томонидан амалга оширилмаслиги белгилаб қўйилган.

Натижада 11 март куни Макэнтининг туғруқ таътилида унинг вазифасини иккита бошқа вазир бажаради (иккиси ҳам аёл киши). Макэнтининг ўзи расмий равишда адлия вазири лавозимидан озод қилинади, лекин ваколатсиз вазир мақомида ҳукумат аъзоси бўлиб қолади.

Макентининг туғруқ таътили 30 апрелдан бошланади. У ўз лавозимига ноябрь ойида қайтади.

Аввалроқ Эстония бош вазири Кая Каллас коронавирус билан касалланган одам билан алоқада бўлганидан сўнг ўзини изоляция қилгани ҳақида хабар берилган эди.