Қоматни тўла кўрсатувчи кўйлак моделлари (фото)

Мода оламида хато қилиш жуда осон. Қоматга мос бўлмаган ҳар қандай либос йўқ камчиликни бордай, озғин жуссани семиз қилиб кўрсатаверади. Шунинг учун кўйлак танлашда доимгидан ҳам кўпроқ эътиборли бўлиш лозим.

Эҳтимол, қомати мукаммал қизлар учун ушбу модель айни муддаодир. Аммо танасида ортиқча 100 грамм ёғи бор аёллар учун мазкур матодан тикилган, айниқса, бадан бўйлаб ёпишиб турувчи кўйлак умуман тавсия этилмайди. Шунчаки, атрофдагиларнинг кўзига янада дўмбоқ кўриниш, қоматнинг ҳар бир камчилиги очиқ намоён бўлиши либос эгасига ноқулайлик туғдиради.

Кенг ва тўғри бичимдаги либослар ортиқча нарсага урғу бермаслигидан хотиржам бўлиш мумкин. Аммо ўлчам борасида меъёрни ҳам унутмаслик лозим. Буни катта ҳажмдаги либослардан воз кечиш керак, дея тушунмаслик керак. Фақатгина уларни қандай кийиш борасида ўйлаш керак. Масалан, белбоғ ёрдамида либосни бойитиш мумкин.

Бўкса қисмдан тушиб турувчи либослар ҳам қоматга таъсир ўтказиш хусусиятига эга. Одатда белнинг юқориси пастга қараганда анча катта кўринади. Шу туфайли танада номутаносиблик кузатилиши мумкин.

Либосга қўшимча чирой берувчи безаклар қоматга ҳам ортиқча вазн қўшиши мумкин. Улар пат, занжир, турли хил матодан тикилган катта гуллар бўлиши мумкин. Камчиликни яширади дея ўйлаб топилган деталлар аксинча, атрофдагиларнинг эътиборини жалб этади.

Дастлаб урфда бўлган бу каби этаги кенг кўйлак ёки юбкалардан деярли кўпчилик воз кечди. Бунинг ҳам сабаби қомат билан боғлиқ. Ўзининг дўмбоқ кўринишини истамайдиганлар ушбу либосларни кийишдан чекланади.

Катта нақшли кўйлаклар ҳам ўлчамни сезиларли тарзда оширади. Шуни унутмаслик керакки, катта гул ёки нақшли либослар тана нисбатларини бузади ва қоматдаги камчиликларни таъкидлайди.

Ушбу моделнинг ягона камчилиги шундаки, у елкаларни бўрттириб кўрсатади. Натижада танада мутаносиблик йўқолади. Кўзга биринчи ташланувчи очиқ елкалар ҳар қандай аёлни спортчига ҳам ўхшатиб қўйиши мумкин.