Образнинг қандай бўлишида муҳим рол ўйнайдиган сумкалар кишининг кайфиятига таъсир қилиши мумкинлигидан ташқари, уни тутган аёлнинг қанчалик дидли ёки дидсиз эканидан дарак беради.
Ранг
Нарса ёки аксессуарнинг қиммат ёки арзон кўриниши унинг рангига боғлиқ бўлади. Дидли, нарса танлашни биладиган аёл ёки қиз гардеробида тўқ қизил, қаймоқ ранг ва кўк рангдаги сумкаларни учратиш мумкин. Мазкур рангдаги сумка моделлари исталган образни бетакрор кўрсатиши ва унинг қизиқарли бўлишига сабаб бўлиши мумкин.
Минимал дизайн
Арзон кўринишни истамасангиз, ортиқча безакларсиз, минимал услубдаги сумкаларга эътибор қаратинг. Бундай аксессуар образни ўзига хос кўрсатади. Мазкур мавсумда мураккаб геометрик шаклдаги ноодатий сумкалар трендда. Улар алоҳида учрашув ва тадбирга кийиладиган либосларга мослаш учун айни муддао.
Тимсоҳ терисидан тикилган сумкалар
Одми ва сипо образни бошқалардан ажралиб туришини истайдиганларга тимсоҳ терисидан тикилган сумка тутиш тавсия қилинади. Бунинг учун қиммат вариантларга эътибор қаратишга ҳожат йўқ. Кўриниши худди шундай, аммо сунъий чармдан ишланган моделлар ҳам яхши альтернатив бўла олади. Лакланган тўқ қизил, жигарранг ва зумрад рангли сумкалар сизни янада дидли кўринишингизга ҳисса қўшади.
Қаттиқ каркас
Юмшоқ чармдан ишланган тақдирда ҳам қиммат сумкалар ҳамиша яхши кўринишда бўлади. Виқорли хонимлар сингари кўринишни истовчиларга қаттиқ сумкаларга эътибор қаратиш маслаҳат берилади. Бундай аксессуар моделлари кўп тутилган тақдирда ҳам геометрик чизиқларини йўқотмайди. Базавий жинси ва оқ кўйлакдан иборат оддий образга учбурчак шаклли сумка ўзига хослик бахш этади.
Оч рангли моделлар
Гўзал ва ноодатий услубга эга бўлишга ҳисса қўшгани билан бундай моделдаги сумкани ҳамма қизлар ҳам тутавермайди. Аммо шунга қарамай оч сумка исталган образга ёрқинлик бахш этади.
Изоҳ (0)