YouTube’даги Roma Urraco саҳифаси блогери обуначиларига ўзининг навбатдаги топилмаси билан бўлишди — бу сафар у кузов рақами 0000079 бўлган «ВАЗ-2106»ни топишга муваффақ бўлган. Блогернинг ўзи ушбу машинани «ҳозирги кунга қадар сақланиб қолган энг биринчи 2106 моделларидан бири» деб атаган.
Автомобиль 1976 йилда ишлаб чиқарилган: кузов рақами 0000079, эҳтиёт қисмлари рақами — 0000054. Шундан келиб чиқиб блогер ушбу машина тартиб рақам бўйича 54-«ВАЗ-2106» деган хулосага келган. Узоқ йиллар давомида мазкур автомобилга Москва вилоятидан бўлган «машҳур олим» эгалик қилган. Машинадаги давлат рақами ҳамон совет даврига тегишли қора рақамлар.
Блогер томонидан топилган машинани «вақт капсуласи» деб атаб бўлмайди, чунки автомобиль бир неча бор бўялган, айрим эҳтиёт қисмлари ўзгартирилган, хусусан, карбюратори ва бензонасоси. Шунга қарамай, «ВАЗ-2106»нинг қурилмалар панели сақланиб қолган, машина «ВАЗ-21031» мотори ёрдамида ҳаракатга келади — «ВАЗ-2103» оиласига кирувчи бу каби агретларга шу турдаги моделларнинг дастлабкиларига ўрнатилган.
Аввалроқ «ВАЗ-2106» Тольяттига олиб келинган бўлиб, бу ерда Lada History номли маҳаллий клуб уни реставрация қилиш билан шуғулланмоқда. Унга оригинал эҳтиёт қисмларни ўрнатиш ва автомобилнинг дастлабки кўринишини қайтариш режалаштирилган.
Аввалроқ Украинада ҳали заводдаги плёнкаси олиб ташланмаган 30 йиллик «Москвич», Херсон вилоятида жойлашган омборларнинг биридан эса деярли юрмаган «Запорожец» топилгани тўғрисида хабар берилганди.
Мавзуга доир: Украинада қизил салонга эга ноёб «Жигули» топилди. Олчаранг машина деярли йўл босмаган (видео)
Изоҳ (0)