Пойтахтдаги Tashkent City ишбилармонлик маркази ҳудудида қурилаётган Nest One турар жой комплексида ёнғин келиб чиқди.
ФВВ матбуот хизматининг маълум қилишича, ҳодиса 10 март куни соат 10:02 да, турар жой комплексидаги битмаган бинонинг ертўласида содир бўлган: 2 квадрат метр майдонда пенопласт ёнган.
Воқеа жойига Тошкент шаҳар Фавқулодда вазиятлар бошқармасининг ёнғин қутқарув гуруҳлари зудлик билан етиб бориб, қисқа вақт ичида ёнғинни бартараф этган.
Ҳодисадан жабрланган ва ҳалок бўлганлар йўқ. Ёнғин сабаби ва зарари аниқланмоқда.
Эслатиб ўтамиз, 2020 йилнинг ноябрь ойи бошлари ва декабрь ойида ҳам Tashkent City ҳудудида қурилаётган биноларнинг бирида ёнғин юз берганди.
Изоҳ (0)