Миллионлаб қалблардан жой олган санъат вакилларининг қандай уйда туғилиб ўсгани мухлислар учун ҳамиша қизиқ бўлган.
Рианна
Асл исми Робин Ферти бўлган хонанда икки укаси билан бирга Барбадосдаги уч хонали уйда катта бўлган. Оилавий аҳволи ночор бўлгани учун сотувчилик қилишига тўғри келган. Истеъдоди ва ширали овози билан машҳурликка эришган қўшиқчи кейинчалик АҚШга кўчиб кетган.
2018 йилда у ўзининг Голливуддаги ҳашаматли хонадонини сотувга қўйган. 5 та ётоқхона, 6 та ваннаси бор хонадон учун у 3 миллион доллар сўраган.
Тэйлор Свифт
Дунёнинг энг кўп ҳақ тўланадиган юлдузларидан бири Пенсильваниянинг Рединг шаҳридаги кичик уйда дунёга келган. Бундан 5 йил аввал актриса шахсий самолётида оила аъзолари билан бирга туғилиб ўсган уйини кўриш учун борган. Уйнинг янги эгалари юлдузни илиқ қарши олган ва эсдалик учун биргаликда суратга тушган. Жейс исмли қиз Twitter саҳифасида унинг ота-онаси Тэйлор улғайган уйда яшаши ва унинг ўзи актриса билан кўришиш бахтига муяссар бўлганини ёзиб қолдирган.
2018 йилда Тэйлор 4 та ётоқхона ва 5 та ваннаси бор уйини 300 миллион долларга сотган. Актриса айни вақтда истиқомат қиладиган уй ҳам Беверли-Хиллзда жойлашган.
Пол Маккортни
Пол Ливерпулда туғилиб, вояга етган. Ижтимоий аҳволининг унчалик яхши бўлмагани сабаб Маккортни ва унинг оиласи туманма-туман кўчиб юрган. Шундай қилиб, унинг ўсмирлик йиллари Фортлим-роуддаги уйда ўтган.
Айни вақтда Маккартнининг Нью-Йорк, Аризона, Лондон ва Беверли-Хиллзда уйлари бор. Айнан Беверли-Хиллздаги уйида дўсти Жорж Харрисон ҳаётининг сўнгги кунларини ўтказган.
Женнифер Лопес
Лопес журналистлар билан бирга болалиги ўтган уйига ташриф буюрган. У Бронксдаги уйлардан бирида вояга етган.
Айни вақтда эса у Алекс Родригес билан Майамидаги 40 миллион долларлик уйда яшайди. 12 ваннаси бор хонадонда, шунингдек, бассейн ва спортзал мавжуд.
Анжелина Жоли
Анжелинанинг болалиги Нью-Йоркдаги Снеденс-Лендингда жойлашган уйда ўтган. 1958 йилда қурилган мазкур уй 4 та ётоқхона, 4 ваннахона ва катта меҳмонхонани ўз ичига олади.
Бир нечта уйлари борлигига қарамай, актриса фарзандлари билан бирга Лос-Анжелесдаги хонадонида яшашни афзал билади. Актриса 6 та ётоқхона, 10 та ванна, бассейн ва студия, қолаверса, катта кутубхонаси бор мазкур уйни 24,5 миллион долларга харид қилган.
Эминем
Эминем сифатида маълум бўлган Маршалл Метерс Миссури штати, Сент-Жозеф шаҳридаги унча катта бўлмаган уйда дунёга келган. У оилада фарзандларнинг энг каттаси бўлган. Болалигининг аксарият қисмини бўлажак рэпер Детройтдаги ночор туманда ўтказган. Отаси ташлаб кетгани сабаб у онасига ишлашга ёрдам берган. «The Marshall Mathers LP» ва «The Marshall Mathers LP 2» номли альбомларининг муқовасида унинг болалиги ўтган уй суратини кўриш мумкин.
Айни вақтда рэпер Мичиган штати, Рочестер-Хиллздаги майдони 1405 кв метрни ташкил қиладиган, теннис корти ва бассейни бор уйда яшайди.
Зак Эфрон
Зак Калифорниянинг Сан-Луис-Обиспо шаҳрида дунёга келган. Унинг болалиги атрофи майсалар билан ўралган, шунингдек, иккита машина сиғадиган гаражи бор шинам уйда ўтган.
Эфроннинг ҳозир истиқомат қиладиган хонадони болалигидаги уйдан атиги 320 км узоқликда жойлашган. У 2013 йилда харид қилган уй унга 4 миллион долларга тушган. Майдони 5640 кв метрни ташкил қиладиган хонадон 5 та ётоқхона, 5 та ванна, ўйин хонаси, машғулот залини ўз ичига олади.
Изоҳ (0)