Instagram’да «ўзи учун яшашни истагани сабаб турмушга чиқишни истамайдиган ўзбек қизча» сифатида яхши маълум бўлган қозоғистонлик инстаблогер Рамина Алмас Максим Галкиннинг «Лучше всех» шоусига таклиф қилинди.
Tengrinews’нинг мухбири телефондан фойдаланмайдиган, синглисини хафа қилмоқчи бўлганлардан ҳимоя қиладиган ва кичкина укасига бажонидил ғамхўрлик қиладиган Алмаснинг қандай ҳаёт кечиришини ўрганишга муваффақ бўлган.
Олмаотада истиқомат қиладиган 7 яшар Раминанинг онаси унинг иштирокидаги видеони бундан 4 йил аввал ижтимоий тармоққа жойлаган. Аммо қиз айнан турмуш қуриш ҳақидаги видеодан кейин машҳурликка эришган.
https://www.instagram.com/p/CLydnnehqNJ/?utm_source=ig_embed&утм_cампаигн=эмбед_видео_watch_агаин
«Вақти-соати келиб барибир турмушга чиқасан, турмуш ўртоғингга чой қуясан», — дейди онаси қизига. «Қанақа чой? Менга ким қуйиб беради?», — деб зарда қилади қизалоқ. «Ортидан у ёқдан бу ёққа чоп, яна у учун озиш. Уйимда, ота-онамнинг олдида шундоқ ҳам хоҳлаган нарсамни қилишим мумкин! Менга шу керакми? Мен ўзимнинг шахсий ҳаётим бўлишини истайман», — деган Рамина видеода.
Рамина оилада 3 фарзанднинг каттаси. 2020 йилда биринчи синфга борган қизалоқ вокал ҳамда рақс билан шуғулланади. Онасининг айтишича, у бир ёшидан гапиришни, сўзларни бир-бирига улашни бошлаган. Уч ярим ёшида қўғирчоқлар билан гаплашгани акс этган видео онаси томонидан Instagram саҳифасига жойланганидан кейин унинг мухлислари кўпая бошлаган ва кузатувчилар у учун алоҳида саҳифа очишни сўраган.
Тахминан ўша вақтларда Раминада хамир тайёрлашга қизиқиш пайдо бўлган. Онаси унинг таом тайёрлаш жараёнида иштирок этишни исташини пайқаган. «Ҳаммасини секин-аста ўрганганмиз. Масалан, тухум чақиш: 10 та тухум чақамиз, улардан бештаси бутун қолади. Муваффақиятли жараённи видеога олганмиз. Кейинроқ мен ушбу роликларни монтаж қилишга уриниб кўрдим. Мухлислар тобора орта бошлади ва 4 йилда обуначиларимиз 50 мингтага кўпайди», — дейди Алина.
https://www.instagram.com/p/CL6nAgRB3iZ/?utm_source=ig_embed&утм_cампаигн=эмбед_видео_watch_агаин
Фойдаланувчилардан бири турмушга чиқиш ҳақидаги видеони олиб тарқатганидан кейин Direct’да ёзилган хабарлар тўлиб-тошган. Яқинлари унга қўнғироқ қилиб, Раминанинг видеоси WhatsApp’да айланаётганини маълум қилган. «Мен шокка тушдим. Руслар, турк ва ўзбеклар менга ушбу видео юзасидан ёза бошлади. Уларнинг бари ҳайратланганини маълум қилди», — дейди қизнинг онаси.
https://www.instagram.com/p/B-rh94Sl8Dd/?utm_source=ig_embed
Ролик ҳеч қандай тайёргарлик ҳамда сценарийсиз олинган — қизлар шунчаки ўз ишлари билан шуғулланган ва ўзаро ҳазиллашган. Болаларнинг онаси Рамина гапираётганда камерани ёқиш рефлекси унда яқиндагина пайдо бўлганини билдирган. «Умуман олганда, мен ҳамиша қизлар билан исталган мавзуда суҳбатлашаман. Бу жуда ҳам муҳим». Фойдаланувчиларнинг Рамина нима сабаб турмуш қуришдан қатъиян бош тортиши ҳақидаги саволлари видеонинг давомини суратга олишга туртки бўлган. Ҳозирда қизалоқнинг Instagramи’да 350 минг кузатувчи бор.
https://www.instagram.com/p/CLo5j1UBP1e/?utm_source=ig_embed
Алина биринчи навбатда ушбу саҳифани хотираларни сақлаш учун очганини, буларнинг барини муҳрлаш учун телефон хотираси етмаслигини маълум қилган. Раминанинг ўзи роликлар интернетда тарқалганидан хабари йўқ, аммо онаси унга энди унинг кўплаб дўстлари пайдо бўлгани ҳақида хабар берган. Ота-онаси ўқишдан чалғимаслиги учун интернетдан фойдаланиш тақиқланган қизалоқ ҳаётда жуда ҳам қувноқ ва ҳамиша бошқаларга ёрдам беришга шай. У онасига уй ишларида ёрдам бериш билан бирга, вақти келса, ука ва синглисига ҳам қараб туради.
У ўзини ҳам, синглисини ҳам хафа қилдириб қўймайди. Кунлардан бир куни синглиси Амина унга машғулот давомида уни бир бола хафа қилганини айтиб берган. Қизлар бу ҳақида онасига чурқ этмаган, аммо эртаси куни Рамина онасидан машғулотга улар билан бирга боришни сўраган. Борганидан кейин ўша болани топиб, агар яна бир марта синглисига тегадиган бўлса, таъзирини беришини таъкидлаган.
https://www.instagram.com/p/CMHKJRFhTDo/
Ёш эканига қарамай, Алла Пугачёванинг ижодини яхши кўрадиган Рамина ҳамиша Максим Галкин билан танишишни истаган. Орзусини амалга ошириш имконияти унда бир йил аввал пайдо бўлди, аммо карантин сабаб бироз кутишига тўғри келди. Энди эса унинг иштирокини шоунинг апрелдаги сонида кўриш мумкин бўлади.
https://www.instagram.com/p/CL1HnuaBfLH/
Галкиннинг фақатгина асосий чиқишда иштирок этишидан бехабар Рамина репетиция вақтида унинг қаердалигини сўраган. Жамоа аъзолари унинг дам олиш куни эканлигини маълум қилган. Бунга жавобан қиз: «Мен суратга олиш учун самолётда учиб келаман, менда дам йўқ, аммо унда бор экан», — деб жавоб берган. Бу гапларни эшитган шоу режиссёри Алинага қараб: «Бизга бу қиз керак», — деган.
Изоҳ (0)