Бир вақтлар мода чиқишларида иштирок этиб, подиумларни безаган юлдузларнинг фарзандлари ҳам машҳурлик борасида оналаридан ортга қолмоқчи эмас. Ёш бўлишига қарамай, эътирофларга сазовор бўлган моделлар ҳақида маълумот бериб ўтамиз.
Ванесса Паради ва Лили-Роуз Депп
Жонни Деппнинг собиқ севгилиси Ванесса 1991 йилда Vogue журналининг муқоваси учун суратга тушган, кейинроқ эса Chanel брендининг элчиси бўлган. Онасидан ўрнак олишга қарор қилган Лили айни вақтда рекламаларда суратга тушади. Модель сифатида эса у илк бор Chanel чиқишларида иштирок этган.
Синди Кроуфорд ва Кайя Гербер
Каяга онасидан нафақат гўзаллик, балки истеъдод ҳам ўтган. Модель сифатида фаол карьера қилаётган Гербер мода ҳафталикларининг доимий иштирокчиси саналади. Шунингдек, у бир қанча мода журналлари учун ҳам суратга тушади. Қизини ҳамиша қўллаб-қувватлайдиган Синди эса ундан маслаҳат ва тавсияларини аямайди.
Иоланда Фостер, Жижи ва Белла Ҳадид
Ёшлигида энг талабгир моделлардан бўлган Иоланда 15 йилдан ортиқ ушбу соҳада муваффақиятли карьера қилган. Қизлари эса бу борада ундан ортда қолмади. Бугунги кундаги энг яхши мода чиқишларини опа-сингил Ҳадидларсиз тасаввур қилиб бўлмайди.
Моника Белуччи ва Дева Кассель
Гўзаллик борасида онасидан қолишмайдиган Девани мода оламида ёрқин келажак кутаётганига шубҳа йўқ. Кассель 2019 йилда онаси узоқ вақтдан буён ҳамкорлик қилиб келадиган Dolce & Gabbana бренди билан шартнома тузишга муваффақ бўлган. Бренднинг парфюмерия тармоғи амбассадори бўлган Дева атир рекламасида суратга тушган. Моделликдан ташқари у мусиқага ҳам қизиқади, гитара чалиш ва қўшиқ куйлашни яхши уддалайди.
Кейт Мосс ва Лила Грэйс Мосс
Британиялик супермоделнинг қизи ҳам ўзи сингари соҳибжамол ва суратга тушишни қойиллатади. Ўсмирлик давридан мода саноатини забт этишни истаган Лилага Кейт қаршилик қилмаган. Аввалига реклама кампанияларида суратга тушган Мосс 2020 йилда Miu Miu’нинг чиқишларида иштирок этган. Қолаверса, у шу йилнинг ўзида Vogue Italia журнали муқовасини безаган.
Изоҳ (0)