Футбол бўйича Испания Ла Лигасининг 25-турида «Реал Мадрид» 1 март, душанба куни ўз майдонида «Реал Сосьедад»ни қабул қилди.
Дастлаб 55-дақиқада Начо Монреалнинг юқоридан узатган тўпини мадридликлар дарвозасига аниқ йўллаган Кристиан Порту ҳисобни очди. Учрашувнинг 89-дақиқасига келибгина «Реал Мадрид» аъзоси Винисиус Жуниор ҳисобни тенглаштириди ва жамоасини мағлубиятдан қутқариб қолди. Қайд этиш жоиз, бразилиялик футболчи захирадан ўйинга қўшилган эди.
Мазкур учрашувдан сўнг Зинеддин Зидан шогирдлари 53 очко тўплаган ҳолда Ла Лига мусобақа жадвалининг 3-ўрнида қайд этилди. Мадридликлар 2-ўринда бораётган ўзининг азалий рақиби — «Барселона» билан бир хил очко тўплаган, фақат қўшимча кўрсаткичлар эвазига каталонияликлар олдинда бормоқда. «Реал Сосьедад» эса 42 очко билан 5-ўринни банд этган.
«Реал Мадрид»—«Реал Сосьедад» учрашуви видеошарҳини бу ерда томоша қилиш мумкин — видео.
25-турдан сўнг турнир жадвали қуйидагича кўриниш олди:
Ла Лига
25-тур баҳси
1 март, душанба
«Реал Мадрид»—«Реал Сосьедад» 1:1
Голлар: 0:1 – 55 Порту, 1:1 – 89 Винисиус Жуниор.
«Реал Мадрид»: Куртуа, Менди, Варан, Начо, Васкес, Модрич (Вальверде, 76), Кроос, Иско (Винисиус Жуниор, 61), Каземиро, Асенсио (Родриго, 61), Мариано Диас (Дуро, 61).
«Реал Сосьедад»: Ремиро, Ле Норман, Горосабел (Санян, 82), Монреаль, Субелдия, Сильва (Мунёс, 85), Гевара, Порту (Барренечеа, 72), Субименди, Ойарсабаль, Исак (Фернандес, 82).
Огоҳлантиришлар: Горосабел (76).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)