Супер ўрта вазн тоифасида WBC ва WBA чемпионлик камарлари соҳиби Сауль «Канело» Альварес (55-1-2, 37 КО) 8 май куни мазкур вазн дивизионида WBO чемпиони Билли Жо Сондресга (30-0, 14 КО) қарши жанг қилади.
Бу ҳақда DAZN расман маълум қилди. Аввалроқ промоутер Эдди Ҳирн жанг ушбу санада ўтказилиши мумкинлигини хабар қилганди.
Ҳозирча жангнинг қаерда ўтказилиши номаълум.
Сауль Альварес Тошкент вақти билан 28 февраль тонгида бўлиб ўтган жангда туркиялик боксчи Авни Йилидиримни (21-3, 12 КО) муддатидан аввал мағлуб этди.
Билли Жо Сондрес сўнгги бор 2020 йилнинг 4 декабрида Мартин Мюррейга (39-5-1) қарши жанг қилган ва унда ғалаба қозонганди.
Изоҳ (0)