Бокс бўйича Рио—2016 Олимпиадаси ғолиби ва Жаҳон чемпиони Шаҳобиддин Зоиров MMA’га бўлган муносабати ҳақида фикр билдирди.
Тўғри, MMA ҳам ҳозир ривожланмоқда, бироқ у Олимпиадага қўшилмаган. У кўча урушига ўхшайди. Балки, бу спорт тури ҳам бир кун келиб Олимпиадага киритилар.Зоиров фаолияти мобайнида Рио—2016 Олимпиадаси олтин медалидан ташқари, 2019 йилги Жаҳон чемпионати ғолиблиги, шунингдек, Осиё чемпионати ва Осиё ўйинлари кумуш медалларини қўлга киритган. Шаҳобиддин профессионал боксда учта жанг ўтказиб, уларнинг барчасида ғалаба қозонган (2 таси нокаут билан).MMA’га ўтиш? Бокс ҳақида гапирсангиз-чи, MMA’ни нима қиласиз? Яхши пул тўлашса, мен ҳам ўтиб кетаман MMA’га... Йўғ-а, ҳазиллашяпман (кулади).
Йўқ, MMA’га ўтиш ниятим йўқ. Ўзимнинг соҳам бор — бокс. Боксни ҳеч қайси спортга алмаштирмайман.
Шаҳобиддин Зоиров, боксчи
Изоҳ (0)