«Челси» бош мураббийи Томас Тухель Премьер Лига доирасида «Манчестер Юнайтед»га қарши ўйин олдидан ўз фикрлари билан ўртоқлашар экан фаолиятидаги энг ёмон мағлубиятни ёдга олди.
Унинг гапларига кўра, Чемпионлар Лигаси 2018/19 йилги мавсуми 1/8 финалида Оле-Гуннар Сульшер қўл остидаги «Манчестер Юнайтед»дан қабул қилиб олинган мағлубият унинг фаолиятидаги энг ёмони. Ўшанда дастлабки ўйинни 2:0 ҳисобида ўз фойдасига ҳал қилган парижликлар ўз уйида 1:3 ҳисобида мағлуб бўлган ва мусобақани тарк этганди.
Тўғрисини айтсам, ўша ўйиндан кейин мен икки кун худди қоронғиликда юргандек бўлдим. Мен ҳеч ким билан суҳбатлаша олмас ва бу мағлубиятдан бошқа ҳеч нарса ҳақида ўйлай олмасдим. Бу эҳтимол фаолиятимдаги энг ёмон мағлубият, чунки у кутилмаганда содир бўлди.«Челси» 28 февраль, якшанба куни «Манчестер Юнайтед»га қарши баҳс олиб боради. Ўйин Тошкент вақти билан 21:30 да бошланади.У ўйинни ҳозиргиси билан солиштириб бўлмайди. Мен сизларга Чемпионлар Лигасидаги мағлубиятдан кейин ўзимни қандай ҳис қилганим ҳақида айтиб бердим.
Қарзимни қайтаришни хоҳлайман. Бу мусобақа бизга ёқади, биз ғалаба қозонишни севамиз ва уч очко учун ўйнаймиз. Умид қиламанки, якшанба куни ўз мақсадимизга етишамиз.
Томас Тухель, «Челси» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)