Аря Перман исмли болакай вазнининг 120 кило экани сабаб 10 ёшидаёқ танилиб улгурган. 11 ёшига тўлганида унинг вазни 190 килони ташкил қилган.

Фото: Woman’s Day

Аря дунёга келганида меъёрий вазн 3700 грамм билан дунёга келган. Беш ёшгача тенгдошларидан фарқ қилмаган бола кейинроқ вазн тўплай бошлаган, кейинги тўрт йил ичида эса 120 кило тўплаган.

Фото: Woman’s Day

9 ёшида дунёдаги энг семиз бола деб топилган Арянинг вазни ошишдан тўхтамаган. Бола касал бўлмаган, шунчаки ҳаддан ортиқ даражада кўп овқатланган. Бир ўтиришда у икки порция лапша, ярим кило товуқни қайнатилган тухум билан бирга паққос тушира олган. Шоколадли музқаймоқни десертга еган болакай, кунига 6 маҳал овқатланган.

Фото: Woman’s Day

Боланинг отаси Daily Mail нашрига берган интервьюсида ўғлининг туришга қийналиши, тез чарчаши ва беш метр юриб ҳарсиллаб қолишини маълум қилган.

Фото: Woman’s Day

Бора-бора боланинг ювиниши ҳам муаммо бўлиб қолган. Иссиқ кунларда танаси совиши учун сув солинган чуқурга тушиб ўтирган.

Фото: Woman’s Day

Шифокорлар Аряга парҳез қилиши, бола ҳамда ота-онаси унинг қанча миқдорда таом истеъмол қилаётганини ёзиб бориши кераклигини айтган. Бу озишга ёрдам берадиган самарали усул эканига қарамай, болада ижобий ўзгариш кузатилмаган. Она ва боланинг истеъмол маҳсулотлари миқдорини қайд қилинган кундалиги солиштирганидан кейин эса маълумотлар турли хил экани аниқланган. Онаси ўғлини режага асосан овқатланганини бола эса бунинг аксини таъкидлаган.

Фото: Woman’s Day

Онаси бунга жавобан Аряни яхши кўргани учун уни овқатдан чеклай олмаслигини билдирган. Ота-онаси билан жиддий суҳбатлашган шифокорлар уларнинг бу ҳаракати фарзандларининг ўлимига сабаб бўлиши мумкинлигини тушунтирган.

Фото: Woman’s Day

Парҳезнинг ўзи билан иш битмаганидан кейин шифокорлар боланинг ошқозонини резексия қилишга мажбур бўлган. Шундан кейин Перман, бариатрик операцияси қилинган энг ёш бемор бўлган.

Фото: Woman’s Day

Операциядан кейин ижобий натижа кузатилган, ундан кейинги биринчи ойда 31 кило ташлаган бола кейинги йил 71 килодан халос бўлган. Бола озганидан кейин дўстлари билан бассейнда вақт ўтказиш, сузиш ва футбол ўйнашни истаган, бу каби оддий одатларни бажаришига эса иштаҳаси халақит қилган.

Фото: Woman’s Day

Бугунга келиб Аря кунига уч километрдан кам юрмайди, икки соат давомида спорт ўйинлари билан шуғулланади, дарахтларга тирмашиб чиқа олади. Мактабга ҳам қатнай бошлаган Перман авваллари унга етиб бориш учун ярим кун вақт сарфлаган, оилавий мотоцикл эса уни кўтармаган.

Фото: Woman’s Day

Унга мос келадиган ўлчамда кийим бўлмагани учун саронг (миллий либос) кийиб юрган боланинг гардеробида эндиликда футболка ва бошқа одатий кийимларни учратиш мумкин.