Фарғона вилояти Риштон туманида Malibu ва велосипед иштирокида йўл-транспорт ҳодисаси содир бўлди, деб хабар беради вилояти ИИБ ахборот хизмати.
Маълум қилинишича, 22 февраль куни фуқаро Ҳ.А. бошқарувидаги Malibu русумли автомашинаси Тўқимачилар кўчасида кетаётиб, қатнов қисмини велосипедда кесиб ўтаётган Ў.М.ни уриб юборган. Оқибатда Ў.М. тан жароҳати олиб, ҳодиса жойида вафот этган.
Мазкур ҳолат юзасидан Риштон тумани ИИБ ҳузуридаги тергов бўлинмаси томонидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисми билан жиноят иши қўзғатилиб, тергов ҳаракатлари бошланган.
Аввалроқ Карманада Cobalt уриб юборган велосипедчи ҳалок бўлгани, Андижонда эса Nexia ҳайдовчиси велосипедчини уриб юборгани тўғрисида хабар берилганди.
Изоҳ (0)