24 февраль куни Президент Шавкат Мирзиёев Тошкентда тирбандликлар юзага келаётган ўндан ортиқ кўчада қисқа муддатларда қўшимча ҳаракат йўналишларини очиш бўйича топшириқ берган эди. Шунга мувофиқ, ИИВ ЙҲХББ пойтахтда йўл-транспорт инфратузилмасини такомиллаштириш ва янги йўллар қуриш ишлари уч босқичда амалга оширилишини маълум қилди.
Таъкидланишича, лойиҳалар Транспорт вазирлиги, Тошкент шаҳар ҳокимлиги ва Kalyon ulastirma (Туркия) компанияси билан ҳамкорликда ҳаётга татбиқ этилади.
Биринчи босқич. Тошкент шаҳридаги 3 та кўчада тез муддатда янги ўтиш жойлари очилади ва йўлни кенгайтириш ишлари амалга оширилади:- Себзор кўчаси бўйлаб Абдулла Қодирий кўчаси кесишмасидаги йўл ўтказгичдан тушгандан сўнг, Зулфияхоним кўчасига ўтиш учун асосий қатнов қисмидан маҳаллий йўлга янги ўтиш жойини очиш;
- Тошкент халқа автомобиль йўлининг 11-километрида («Тўсин» бозор қаршисида) 250 метр масофада йўлни кенгайтириш;
- Ал-Хоразмий—Катта Қаъни кўчалари чорраҳасида айланма ҳаракатни ташкил этиш мақсад қилинган.
- Чоштепа—Янги Сергели кўчалари кесишмасида ўтказувчанликни ошириш мақсадида, кесишмани кенгайтириш (параметрларини ўзгартириш);
- Тошкент халқа автомобиль йўли—Самарбону кўчалари кесишмасида маҳаллий йўлни кенгайтириш ҳисобига ўтказувчанликни ошириш;
- Мустақиллик—Паркент кўчалари кесишмасида яшил ҳудуд ҳисобидан янги йўл очиш режалаштирилган.
- Юнусобод туманидаги Қорақамиш кўчасини Тошкент халқа автомобиль йўли билан боғлаш учун янги йўл қуриш;
- Муқумий—Лутфий—Сеул—Нурафшон кўчалари кесишмаси параметрларини ўзгартириш йўли билан ўтказувчанликни ошириш;
- Тошкент ҳалқа автомобиль йўли—Амир Темур кўчалари кесишмасида айланма ҳаракатли чорраҳани оддий чорраҳа турига ўтказиш йўли билан ўтказувчанликни ошириш;
- Шота Руставели—Миробод—Шаҳрисабз кўчалари кесишмасида айланма ҳаракатли чорраҳани оддий чорраҳа турига ўтказиш йўли билан ўтказувчанликни ошириш;
- Кичик халқа автомобиль йўли бўйлаб Crafers корхонаси қаршисида янги қайрилиб олиш жойини очиш;
- Сеул—Новза—Бунёдкор кўчалари кесишмасида канал устидаги кўприкни кенгайтириш ҳисобига кесишма ўтказувчанлигини ошириш режалаштирилган.
Аввалроқ Паркент кўчасидан Мустақиллик кўчасига ўтиш йўли орадан беш йил ўтгач яна очилаётгани, бироздан кейин бу иш қоғозбозлик сабаб тўхтаб қолгани ҳақида хабар берилганди.
Изоҳ (0)