Қатар ва Австралия терма жамоалари 2021 йилнинг ёзида бўлиб ўтадиган Америка Кубогида қатнаша олмайди.
Бу борада терма жамоалар Жанубий Америка футбол конфедерациясига расман маълум қилди.
Қатар ва Австралия коронавирус пандемияси сабаб чўзилиб кетган ЖЧ—2022 ва Осиё Кубоги—2023 қўшма саралашида иштирок этиши зарур. Бундан ташқари Қатар ёзда Европа Чемпионати саралаш босқичида ҳам қатнашади. Мазкур сабаблар туфайли ОФК минтақаси терма жамоалари Копа Америка мусобақасида иштирок этишдан бош тортган.
Аввалроқ ОФК минтақасидаги саралаш ўйинлари 3—15 июнь кунлари марказлашган тизимда бўлиб ўтишини маълум бўлганди.
Коронавирус пандемияси сабаб 2020 йилдан 2021 йилга кўчирилган Америка Кубоги 11 июндан 11 июлга қадар Аргентина ва Колумбия майдонларида бўлиб ўтади. Мусобақанинг амалдаги чемпиони Бразилия терма жамоаси ҳисобланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)