Лондоннинг «Челси» клуби хўжайини Роман Абрамович 2021 йилги ёзги трансферлар ойнаси учун 300 миллион евро ажратишга тайёр, дея хабар қилмоқда Tuttomercatoweb.
Таъкидланишича, «Челси» ўз олдига Чемпионлар Лигасида ғолиб чиқиш мақсадини қўйган ва бунинг учун трансферларга 300 миллион евро сарфлашга тайёр.
Лондонликлар 2020 йил ёзида ҳам трансферлар учун катта маблағ сарфлаган. Тимо Вернер, Ҳаким Зиёш, Бен Чилуэлл, Тиаго Сильва, Кай Ҳаверц ва Эдуард Мендининг харидлари 247 миллион еврога айланганди.
Мазкур трансфер ойнасида «Челси»нинг асосий мақсади — «Боруссия Д»нинг 20 ёшли ҳужумчиси Эрлинг Ҳоланд. Лондон клуби норвегиялик футболчини қўлга киритиш учун барча ресурсларни сарф қилишга тайёр.
Ҳоланд «Боруссия» сафида 2020/21 йилги мавсумда 26 та ўйин ўтказиб, 29 гол ва 7 та голли узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)