«Челси» бош мураббийи Томас Тухель ПСЖ ҳужумчиси Килиан Мбаппе ҳақидаги фикрлари билан ўртоқлашди.
— Нима деб ўйлайсиз, Месси ва Роналдунинг четга ўтадиган, Мбаппе эса жаҳон футболидаги асосий шахс бўладиган вақт келдими?
— Улар ҳеч қачон бу ишни ўз хоҳиши билан қилмайди, ҳеч қачон. Мбаппе уларнинг ўрнини эгаллаши учун уларни туртиб чиқаришига тўғри келади. Ҳеч ким бирор нарсага шунчаки эришиб қолмайди.
Агар у сиз айтаётган йигитлар узоқ йиллардан бери ушлаб турган даражага чиқишни истаса... Улар шунчаки Мбаппе пайдо бўлгани учун четга чиқишга тайёр деб ўйламайман. Унинг ўзи уларнинг жойини эгаллаши керак ва ўйлашимча, Килианда бунинг учун барча салоҳият бор, — дейди Тухель.
Эслатиб ўтамиз, Тухель ПСЖдаги фаолияти орқали Мбаппе билан яхши таниш.
Мазвуга доир:
- Мбаппе ва Ҳоландни олиб келиш «Реал»га қанчага тушиши ҳисоблаб чиқилди
- Маурисио Почеттино: Килиан Мбаппе — дунёнинг энг яхши ўйинчиларидан бири
- Килиан Мбаппе келажаги ҳақида: «Битта ўйин натижасига қараб келажагимни белгилаш аҳмоқлик бўлади»
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)