«Жанг 13 сония давом этиши керак: яқинлашиш учун икки, зарба учун бир ва ҳакамнинг саноғи учун 10 сония». Майк Тайсоннинг энг машҳур иқтибослари

Бокс тарихида шундай жангчилар борки, улар шунчаки спортчи эмас, балки ундан ҳам ортиқроқ тушунчани ўзида ифода этади. Бундай жангчилар тоифасига Муҳаммад Али, Рой Жонс, ака-ука Кличколар, Флойд Мейвезер, Мэнни Пакьяо ва бир қатор бошқа боксчиларни киритиш мумкин. Аммо улар орасида Майк Тайсон алоҳида эътирофга лойиқ. Оғир вазн тоифасида WBC, WBA, IBF ва The Ring камарлари соҳиби нафақат рингдаги ҳаракатлари, балки унинг ташқарисидаги ҳаракатлари билан ҳам бошқалардан ажралиб турарди. Бундан ташқари унинг ҳар бир айтган сўзлари омма эътиборидан тушмасди. Тўғри англаганингиздек, қуйида Майк Тайсон ҳаётидаги энг машҳур иқтибосларни тақдим этамиз.

Қачонки қийин аҳволга тушиб қолсангиз, таслим бўлиш ҳолатингизни яхшиламаслигини ўзингизга эслатинг.

Ўрнингдан турганингда дўстларинг сенинг кимлигингни билади, йиқилганда эса сен дўстларинг кимлигини билиб оласан.

Агар инсон йиқилганидан кейин ўрнидан тура олса, бу жисмоний куч эмас, балки характер белгисидир.

Ҳеч ким эрталаб соат 4 да туришни ва атроф қоронғи бўлганида югуришни истамайди, лекин бу жуда керакли омилдир. Буни жуда эрта қилишимнинг ягона сабаби шундаки, бошқа ҳеч ким қилмаслигига ишонаман. Ва бу менга кичик устунлик беради.

Жанг 13 сония давом этиши керак: яқинлашиш учун икки сония, зарба учун бир сония ва ҳакамнинг саноғи учун 10 сония.

Бир марта хиёнат учун кечирилган одам бутун ҳаёти давомида хиёнат қилади.

Агар эртага ўлсам, душманларим бугун ўлиши керак.

Мен рақибларимни жанглардан олдин қўрқитмайман. Бундан маъни йўқ. Мен уларни жангнинг ўзида қўрқитаман.

Мен одамларни уришни яхши кўраман. Бу айнан мен ёқтирган ишдир.

Бирор кишига қарши жанг қилсам, унинг иродаси ва жасоратини эгаллашни хоҳлайман. Мен унинг юрагини юлиб олиб, ўзига кўрсатишни истайман.

Ҳақиқий эркинлик — бу ҳеч нарсага эга бўлмасликдир. Бир сентим ҳам бўлмаган вақтлар анча эркин эдим.

Рақибимнинг ўрнидан туришига умид қилардим, шунда уни яна ерга қулатишим мумкин эди.

Мен спорт тарихидаги энг буюк жангчиман. Агар бунга шубҳа қилсангиз, ҳисоб рақамимни текширинг.

Зарбангиз қанчалик кучли эканлиги эмас, балки қанчалик кучли зарбага дош бера олишингиз муҳим.

Мен ҳаётда Яратган ва кўча жангчисидан бошқа ҳеч кимдан қўрқмайман.

Жангнинг энг қийин қисми — машғулотдир, энг осони эса жангнинг ўзи.

Афсуски, кўпчилик ҳаётда жуда кеч оқил бўлади ва жуда эрта қарийди.