Буюк Британия бош вазири Борис Жонсон мухлисларни стадионларга қайтариш тартибини эълон қилди.
Ишқибозлар 17 майдан бошлаб ареналарга қайтиши мумкин. Аввалига стадионларга кўпи билан 10 минг томошабин киритилишига рухсат берилиши кутилмоқда. Кам сиғимли ареналарга эса трибуналарнинг 25 фоизини тўлдиришга рухсат берилади.
Асосий синов 15 май кунига белгиланган Англия Кубоги финалида бўлади. Кейинчалик рухсат этилган миқдорни кўпайтириб бориш кўзда тутилган.
Эслатиб ўтамиз, коронавирус пандемияси сабаб қатор мамлакатлар қатори Англияда ҳам 2020 йилнинг баҳоридан бери катта спорт мусобақалари томошабинларсиз ўтмоқда. 2020 йилнинг декабрь ойида Англияда стадионларга мухлисларни қисман киритиш бошланган, бироқ коронавируснинг янги штамми туфайли мазкур амалиёт тўхтаб қолганди.
Аввалроқ Буюк Британияда COVID-19 сабаб эълон қилинган асосий чекловлар июнь ойи охирида бекор қилиниши мумкинлиги ҳақида хабар қилинганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)