Buyuk Britaniya bosh vaziri Boris Jonson muxlislarni stadionlarga qaytarish tartibini e’lon qildi.
Ishqibozlar 17-maydan boshlab arenalarga qaytishi mumkin. Avvaliga stadionlarga ko‘pi bilan 10 ming tomoshabin kiritilishiga ruxsat berilishi kutilmoqda. Kam sig‘imli arenalarga esa tribunalarning 25 foizini to‘ldirishga ruxsat beriladi.
Asosiy sinov 15-may kuniga belgilangan Angliya Kubogi finalida bo‘ladi. Keyinchalik ruxsat etilgan miqdorni ko‘paytirib borish ko‘zda tutilgan.
Eslatib o‘tamiz, koronavirus pandemiyasi sabab qator mamlakatlar qatori Angliyada ham 2020-yilning bahoridan beri katta sport musobaqalari tomoshabinlarsiz o‘tmoqda. 2020-yilning dekabr oyida Angliyada stadionlarga muxlislarni qisman kiritish boshlangan, biroq koronavirusning yangi shtammi tufayli mazkur amaliyot to‘xtab qolgandi.
Avvalroq Buyuk Britaniyada COVID-19 sabab e’lon qilingan asosiy cheklovlar iyun oyi oxirida bekor qilinishi mumkinligi haqida xabar qilingandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)