Профессионал футбол Лигаси (ПФЛ) бош директори вазифасини бажарувчи Диёр Имомхўжаев Суперлига ўйинлари нима сабабдан дам олиш кунларига эмас, иш кунларига мослаб тақсимланганига изоҳ берди.
Аввалроқ ПФЛ Суперлига 2021 йилги мавсумнинг дастлабки олти тури бўлиб ўтадиган кунларни маълум қилганди.
Дам олиш кунлари кучли бешлик (Англия, Испания, Италия, Германия ва Франция чемпионатлари — изоҳ «Дарё») ўйинлари эрта бошланади, мухлислар иккига бўлинишига тўғри келади. Еврофутболни дам олиш куни уйда кўриш ёқимли. Биз эса мана шундай мухлисларнинг ҳам стадионларга келишидан манфаатдормиз. Демак, Еврофутбол вақти билан рақобатлашиш эмас, ҳисоблашиш шарт. Биз футбол учрашувларини имкони борича ишдан кейинги вақтларга қўйишга интилишимиз тўғрироқ бўлади.Эслатиб ўтамиз, Суперлига 2021 йилги мавсуми 9 март куни старт олади.Диёр Имомхўжаев, ПФЛ бош директори в.б.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)