Конгода бубонли вабо касаллиги тарқалишни бошлади. Бу ҳақда Jeune Afrique нашри Итури провинцияси Соғлиқни сақлаш департаменти раҳбари Патрик Карамурага таяниб хабар берган.
Африка қитъасидаги ушбу давлатда ўпка вабоси ҳамда септик вабо касалликлари ҳам қайд этилган. Сўнгги маълумотларга кўра, 520 киши касалланган ва 31 нафар бемор касалликлар асоратлари оқибатида ҳаётдан кўз юмган.
Нью-Йоркда жойлашган Ecohealth Alliance эпидемиологи Анна Лодисуанинг қайд этишича, касалликларни юқтириш ҳолатлари 2020 йилнинг 15 ноябридан 13 декабригача бўлган оралиқда кузатилган. Касалланганларнинг ўртача ёши 13 да, энг қари беморнинг ёши эса 73 да.
2020 йил июнь ойида Россиянинг Ғарбий Мўғулистон билан чегарадош ҳудудида бубонли вабо билан касалланиш ҳолатлари қайд этилган. Тиббиёт фанлари доктори, ўта хавфли инфекциялар бўйича мутахассис Владислав Жемчугов Хитойда ва Мўғулистонда бубонли вабонинг тарқалиши у қадар ваҳимали эмаслиги, шарқ мамлакатларида бубонли вабога қарши махсус тузилмалар ташкил қилингани ҳамда улар касалликнинг тарқалишига йўл қўймаслигини таъкидлаганди.
Аввал Африка жанубида жойлашган Гвинеяда 2016 йилдан бери биринчи марта Эболадан камида тўртта ўлим ҳолати қайд этилгани, шунингдек, Конгода Эбола касаллигига қарши одамларни эмлаш кампанияси бошлангани ҳақида хабарлар берилганди.
Изоҳ (0)