Bugun,

  • USD 11095.31
  • RUB 173.84
  • EUR 10772.44

Sumka obrazni to‘ldirishi noto‘g‘ri tanlangani esa aksincha, didsiz ko‘rinishga sababchi bo‘lishi mumkin.

Dress-kod

Foto: Cosmopolitan

Foto: Cosmopolitan

Ofisga jiddiy uslubda kiyinish kerakligi qora, oddiy sumka tutish kerakligini bildirmaydi. Suhbat yoki ish bilan bog‘liq uchrashuvga klatch yoki kichkina sumkalar tanlash tavsiya qilinmaydi. Buni o‘rniga qattiq korpusli o‘rtacha kattalikdagi sumkaga e’tibor qaratganingiz yaxshi. Qolaversa, ortiqcha tosh, marjon va boshqa detallar bo‘lmagani ma’qul. Rang borasida ham haddan ortiq e’tibor jalb qilmaydigan, yaltiroq va sariq bo‘lmagan modellar yaxshi.

Qora sumka

Foto: Cosmopolitan

Foto: Cosmopolitan

Ko‘p liboslarga mos kelgani bilan qora sumka hamma obrazga ham tushavermaydi. Bir-biridan farq qilmaydigan o‘xshash modellarni xarid qilish eng katta xato sanaladi. Zerikarli ko‘ringan bunday sumka konservativ uslubga xos sanaladi. Komfort zonasidan chiqishdan qo‘rqmang, yangi modellarga e’tibor qarating. Qaymoqrang, jigarrang, to‘q qizil hamda xantal rang modellar ham bu borada yaxshi tanlov bo‘la oladi.

Noto‘g‘ri o‘lcham tanlash

Foto: Cosmopolitan

Foto: Cosmopolitan

Unutmang, qulay va yengil bo‘lgani bilan mitti sumkalar har qanday libosga mos bo‘lavermaydi. Shu sabab ham sumkani obrazdan kelib chiqqan holda to‘g‘ri keladiganini xarid qiling. Mini modellarni esa boshqa oddiy kunlarga olib qo‘ying.

Kundalik sumkani ziyofatga tutish

Foto: Cosmopolitan

Foto: Cosmopolitan

Kundalik obraz uchun tutiladigan sumkani oqshom ko‘ylagi bilan moslashdan ko‘ra didsiz tanlov bo‘lmaydi. Ko‘pincha qizlar bitta o‘q bilan ikkita quyonni urish maqsadida universal sumka modellarini xarid qiladi. Ammo siz o‘ylagan hamma narsa bilan tushaveradigandek ko‘ringan sumkalar aslida oqshom tadbir va ziyofatlari uchun umuman to‘g‘ri kelmasligi mumkin.

Baza sifatida trenddagi sumkani xarid qilish

Foto: Cosmopolitan

Foto: Cosmopolitan

Ayni vaqtda urfda bo‘lgan noodatiy sumka tez modadan qolishi va keyingi mavsumda dolzarb bo‘lmasligi sabab ham uni xarid qilishdan avval yaxshilab o‘ylab ko‘rganingiz yaxshi. Ichi ko‘rinadigan, matoli va qopni esga soladigan turli noodatiy shakldagi sumka modellari baza bo‘la olmasligini yoddan chiqarmang.

Kiyim rangiga moslab sumka tanlash

Foto: Cosmopolitan

Foto: Cosmopolitan

Har bir libosga mos kelishi uchun arsenalda bir emas, bir nechta sumka bo‘lishi kerak. Shu sabab ham kiyim rangiga moslab xarid qilmasdan ranglar bilan tajriba qilib ko‘ring. Afzalliklari e’tiborni tortib, kamchiliklari ko‘zga tashlanmasligi sabab ham turli rangdagi sumkalarni tanlash tavsiya qilinadi.

Past bo‘y egalarining katta sumka tutishi

Foto: Cosmopolitan

Foto: Cosmopolitan

Sumka qomatga proporsional bo‘lishi kerak. Masalan, katta hajmli sumkalar bo‘yi past ayollarga to‘g‘ri kelmaydi. Yaxshisi o‘rtacha kattalikdagi qo‘lga tutiladigan yoki yelkaga taqsa bo‘ladigan aksessuarlarga e’tibor qaratgan yaxshi.

To‘la qomat egalarining kichkina sumka tutishi

Foto: Cosmopolitan

Foto: Cosmopolitan

Kichik sumka tutganda qomat yanada yirik ko‘rinishi sabab ham to‘la ayollarga bunday sumka modellari to‘g‘ri kelmaydi. Buning o‘rniga o‘rtacha kattalikdagi sumkalarga e’tibor qaratgan yaxshi.

Bo‘ksasi keng qomat egalarining uzun kamarli sumka tutishi

Foto: Cosmopolitan

Foto: Cosmopolitan

Qomatining pastki qismi to‘la va keng bo‘lgan ayollarga uzunligi bo‘ksa baravar tushib turadigan zanjir hamda kamarli sumka tutish tavsiya qilinmaydi. Bunday sumka nafaqat qomatdagi kamchilikka e’tibor qaratadi, balki yanada to‘la ko‘rsatadi.

Izoh
Asosiy yangiliklar
Iqtisodiyot
O‘zbekiston 2022-yilda kartoshka sotib olishni kamaytirdi. Mahalliy yetishtirish esa oshgan 
Dunyo
Bayden Ukrainaga F-16 qiruvchilari yetkazib berilmasligini aytdi. Oq uy bunga izoh berdi
Kino
Mushuk Leopold obrazini yaratgan rassom Vyacheslav Nazaruk vafot etdi