Японияда 13 февраль куни 7,1 магнитудали зилзила содир бўлгани тўғрисида хабар берилганди. Табиий офат оқибатида дрифт ихлосмандлари орасида машҳур бўлган Ebisu Circuit пойга комплексига жиддий шикаст етди. Ер ости силкинишлари натижасида нафақат пойга майдонига, автодром яқинидаги гаражда сақланган спорткарларга ҳам шикаст етган, деб хабар беради Motor.

Фото: Ebisu Circuit

Ebisu Circuit пойга комплекси «Фукусима-1» атом электростанцияси яқинида жойлашган, у ерда 2011 йили Япония тарихидаги энг кучли зилзила қайд этилганди. Мутахассисларнинг фикрича, Рихтер шкаласи бўйича содир бўлган 7,1 магнитудали зилзила айнан ўша офатнинг акс садосига айланган. Дрифт-полигон эпимарказдан 150 километр узоқликда жойлашган бўлса-да, ер ости силкиниши комплексга жиддий зарар етказган.

Фото: Ebisu Circuit

Зилзила оқибатида деярли бутун пойга трассасида ёриқлар пайдо бўлган. Юзага келган кўчкилар оқибатида дрифт-полигоннинг айрим қисмлари фойдаланишга яроқсиз ҳолатга келган. Бундан ташқари, трасса яқинидаги гаражлар ҳам талафот кўрган. Ушбу гаражларда маҳаллий пойгачилар ўз спорткарларини сақлаган. Кўплаб бокслар қулаб тушган, айрим ангарлар эса бутунлай вайрон бўлган.

Зилзила қанча автомобилни вайроналар остида қолдиргани ва Ebisu Circuit’га етган умумий зарарни мутахассислар ҳисобламоқда. Бироқ ҳозирдан маълумки, пойга комплексини қайта тиклашга узоқ вақт керак бўлади.

Фото: Ebisu Circuit

Фото: Ebisu Circuit

Фото: Ebisu Circuit

Фото: Ebisu Circuit

Фото: Ebisu Circuit