UFC 258 мусобақаси бўлиб ўтгандан кейин 17 февраль куни UFC’нинг янгиланган рейтинги эълон қилинди.
Унга кўра, умумий рейтингда ярим ўрта вазн тоифаси чемпиони Камару Усмон вазн тоифасидан қатъи назар рейтингда оғир вазн тоифаси чемпиони Стипе Миочични ортда қолдирди ва 4-ўринга кўтарилди. Мазкур рейтингда ҳамон енгил вазн дивизиони чемпиони Ҳабиб Нурмагомедов биринчи бўлиб турибди. Унинг ортидан Жон Жонс ва Исраэл Адесаня бормоқда.
Шунингдек, бир қанча дивизионлар рейтингида ҳам ўзгаришлар рўй берган. Ҳамзат Чимаев ўрта енгил вазн тоифасида бир поғона юқорилаб, 14-ўринга кўтарилди. Ярим енгил тоифа вакили Ден Иж эса дивизион топ-10 лигига кирди.
Эслатиб ўтамиз, Камару Усмон UFC 258 мусобақасида Гирберт Бёрнсни нокаутга учратиб, чемпионлик камарини ҳимоя қилди.
Ушбу ҳавола орқали барча вазн тоифалари рейтинги билан танишинг.
Изоҳ (0)