Самарқанд шаҳридаги «Мароқанд обод» давлат унитар корхонаси (ДУК) мансабдор шахслари 12,4 миллиард сўмга тенг бўлган 1 миллион 30 минг еврони талон-торож қилган. Бу ҳақда Иқтисодий жиноятларга қарши курашиш департаментининг вилоят бошқармаси маълумотларига асосланиб «Дарё» мухбири Фарҳод Норбўтаев хабар берди.
Маълум бўлишича, корхона мансабдор шахслари Франция тараққиёт агентлигининг «Чиқиндилар бошқарувини модернизация қилиш» лойиҳасига 80 дона махсус транспортни харид қилиш бўйича сотувни тендерга нотўғри қўйиб, 3 миллион 158 минг евро нарх билан қатнашиб келаётган Cranes and Special Trucks МЧЖни тендердан асоссиз четлатган.
Шундан сўнг тендерга 4 миллион 188 минг евро таклифи билан қатнашган Kai Mei-Hayat Group Озарбайжон—Хитой қўшма корхонаси билан шартнома тузиб, жуда кўп миқдордаги — 12,4 миллиард сўмга тенг 1 миллион 30 минг еврони талон-торож қилган.
Ҳозирда мазкур ҳолат юзасидан корхона мансабдор шахслари ва бошқаларга нисбатан жиноят иши қўзғатилиб, прокуратура томонидан тергов ҳаракатлари олиб борилмоқда.
Изоҳ (0)