Финляндияда коронавируснинг янги мутацияси аниқланди. Бу ҳақда Хелсинки университети биотехнология институти ҳамда, Финляндиянинг жанубидан олинган намунада SARS-CoV-2 вирусининг илгари номаълум вариантига дуч келган, Vita лабораторияси хабар берди, деб ёзмода «РБК».
Янги мутация Fin-796H деб номланди. Мутацияда коронавируснинг Британия ва Жанубий Африкада аниқланган турларига хос хусусиятлар мавжуд. Макзур штаммни ПЗР тести билан аниқлаш қийин бўлиши мумкин, дея қайд этилган лаборатория маълумотида.
2020 йил декабрь ойида Буюк Британия ҳукумати мамлакатда коронавируснинг янги, юқумлироқ тури аниқланганини эълон қилди. «Британча» штаммнинг ўлимга олиб келиш эҳтимоли юқорироқ, шунингдек у одатий шаклга қараганда тезроқ тарқалади.
Кўп мамлакатлар, шу жумладан, Россия ҳам Буюк Британияга парвозларни вақтинча тўхтатди. Россиялик вирусолог янги вариантнинг тез тарқалаётгани сабабли у аста-секин эски штамм ўрнини босишини айтган. Январь охирларига келиб, коронавируснинг янги штамми 60 га яқин мамлакатда қайд этилди.
Аввалроқ АҚШда коронавируснинг «британча» ва «америкача» штамми бирлашувидан ҳосил бўлган гибрид тури аниқлангани ҳақида хабар берилганди. Мутахассисларнинг фикрича, янги тур, афтидан, «рекомбинация ҳодисаси», яъни вирус юқиши пайтида алоқада бўлган вируслар ўртасида генлар алмашинуви натижасида пайдо бўлган.
Изоҳ (0)