Сицилияда Этна вулқони отилди, деб ёзади Meduza. Вулқон 1 километрдан ортиқ баландликка кул отмоқда. Кул ҳамда ҳосил бўлган тутун сабабли унинг яқинида жойлашган Катания аэропорти ўз ишини тўхтатган.
Ҳукумат яқин орада жойлашган аҳоли пунктларида яшовчилар учун вулқон отилиши хавф туғдирмаслигини маълум қилган.
Current state of #Etna volcano eruption in Sicily, Catania pic.twitter.com/IpQQXRD5UY
— Tancredi Palmeri (@tancredipalmeri) February 16, 2021
«Айни пайтдаги ҳолатдан келиб чиқиб, хавотир олмаса ҳам бўлади, манзарадан бемалол завқланиш мумкин», — деди Геофизика ва вулқоншунослик миллий институти мутахассиси Марок Нери.
Etna, eruzione spettacolare e alta colonna di fumo. Forte attivita' esplosiva dal cratere Sud-Est del vulcano #ANSA pic.twitter.com/AXVyjYYScp
— Agenzia ANSA (@Agenzia_Ansa) February 16, 2021
Этна — Европадаги энг йирик уйғоқ вулқон бўлиб, сўнгги йилларда у бир неча ойда бир марта отилмоқда. Одатда вулқон отилишлари ҳеч қандай вайронагарчиликларга олиб келмайди. Этна вулқони қияликларида кўплаб кратерлар жойлашган, улар орасида уйғоқ ва фаоллари ҳам бор. Вулқон уйғонишига 2,9—3 км чуқурликдаги ер силкинишлари сабаб бўлган. Натижада маҳаллий вақт билан 16 февраль 16:10 (Тошкент вақти билан 20:10)да вулқон фаоллиги оша бошлаган. Вулқоннинг баландлиги 3328 метрга тенг.
Этна вулқонининг кучли отилиши сўнгги марта 2019 йил июлида юз берган ва ўн кундан ортиқ давом этган эди.
Изоҳ (0)